Bota

Shqiptarët menaxhojnë faqe Facebook-u me lajme të rreme në Australi


               Publikuar në : 18:21 - 15/03/19 |
xhu lia

 

Një rrjet faqesh në Facebook të menaxhuara nga shqiptarë, kosovarë dhe maqedonas po shqetësojnë opinionin publik në Australi për shkak të lajmeve të rreme që publikojnë. Lajmet kanë të bëjnë me çështje si islami, refugjatët po edhe korrektësia politike.

Duke përdorur përmbajtjen e vjedhur nga botuesit e tjerë, ata fitojnë të ardhura nga rrjeti i reklamave të Facebook.

Sipas një investigimi të ABC News janë identifikuar të paktën 4 faqe të njohura, të cilat janë të menaxhuara nga persona në Shqipëri, Kosovë dhe nga Veriu i Maqedonisë.

Në të katërta faqet gjenden material me përmbajtje ksenofobie për tema si refugjatët, emigracioni, rreth çështjeve islamike si dhe për politikën vendase në Australi.

Faqet e Facebook kanë arritur në 130,000 pëlqime pas vitesh që është hapur. Sipas medias australiane,  në artikujt e publikuar në këto faqe kritikohen kryesisht politikanët laburistë në opozitë, ndërkohë që simpati shprehin për politikanin konservator Frejzës Ening. Megjithatë nuk janë vërtetuar lidhje  të drejtpërdrejta mes tij dhe këtyre faqeve .

Faqja më e vjetër dhe më e njohur është  “Australians kundër Sharia”, e cila është hapur që në qershor të vitit 2013.  Facebook i ka mbyllur  këto faqe duke pranuar se kanë thyer rregullat dhe kanë patur sjellje të papërshtashme.

Ndërkohë faqe të tjera mbajnë tituj si “Të pafetë australianë”, “Ndal, xhamive në Melburn” dhe “Ndal të gjitha xhamive në Nar Uoren”, siç quhet lagjja periferike e Meburnit. Sipas investigimit të gjitha këto faqe publikojnë lajme të rreme dhe thirrje kundër muslimanëve./Xh.K/Opinion.al/

 

 

 

 

 

 

Pas