Kronikë

Shisnin kokainë në shkolla, tre të arrestuar. Mes tyre një femër


               Publikuar në : 18:43 - 15/03/19 |
geliano fataj

Kokainë dhe heroinë në shkollat e kryeqytetit. Te persona, mes tyre një femër, janë arrestuar nga policia e Tiranës në operacionin e koduar “Lapraka”.

Prej kohësh mbaheshin nën vëzhgim nga policia. Fillimisht në pranga përfundoi 25-vjeçari A.D. Makina e tij u ndalua në rrugën “Teodor Keko”.

Gjatë momentit të ndalimit për kontroll nga shërbimet e Policisë, ai ka hedhur në tokë një qese brenda të cilës ndodheshin 25 doza heroinë. Më pas në apartamentin e tij janë gjetur dhe 20 doza të tjera.

Siç duket i riu ka nxjerrë dhe bashkëpunëtorët. 45-vjeçari A. K, i dënuar më parë për vjedhje me armë, me pasojë vdekjen dhe 34-vjeçarja F. Q janë ndaluar në rrugën e “Durrësit”. 45-vjeçarit iu gjetën dy doza heroinë, ndërsa 34-vjeçares në çantë iu gjet një qese me kokainë./Opinion.al

Pas