Aktualitet

Rama: Në fund të klasës së 9-të, fëmija të ketë aftësitë e një koduesi të mirëfilltë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:01 - 12/09/22 |
Opi Nion

Në Kongresin e Arsimit të mbajtur këtë të hënë, kryeministri Edi Rama u ndal te dixhitalizimi i edukimit si dhe futja e kurikulave për teknologjinë që në klasën e parë.

Rama tha se këta nxënës në fund të arsimit 9-vjeçar dalin me aftësitë e një koduesi të mirëfilltë.

Sot kemi filluar me 100 laboratorë smart dhe duam që brenda mandatit këta laboratorë t’i shtrijmë gjerësisht në Shqipëri për t’iu dhënë mundësi fëmijëve që nga klasa e parë të hyjnë në botën e  teknologjisë. Dhe sipas llogarive të bëra dhe sipas praktikave të studiuara, futja e fëmijëve që në klasë të parë edhe në mësimet e teknologjisë dhe marrja e këtij mësimi me kurrikulat përkatëse të standardeve më të mira ndërkombëtare siç janë ato që janë futur sot në 100 shkollat e para, bën që në fund të klasës së nëntë, sado e pabesueshme që të duket, fëmija të ketë aftësitë e një koduesi të mirëfilltë dhe pasja e aftësive të një koduesit të mirëfilltë do të thotë aftësi për t’u punësuar paralelisht me vazhdimin e mësimit”-tha Rama.

Kreu i qeverisë përmendi shembuj maturantësh që aktualisht punojnë për kompani të huaja nëpërmjet internetit duke siguruar të ardhura të mjaftueshme sa për të mbajtur shtëpinë.

Kam takuar nxënës shkollash të mesme që aktualisht punojnë në shtete të ndryshme duke vijuar të studiojnë në shkolllat e mesme në Shqipëri.

Në Shenavlash banonte një nga vajzat që kam takuar e që prej moshës 11 vjec ajo mbante tërë shtëpinë. Si? Duke zotëruar njohuritë e kodimit e duke hyrë në tregun e madh online që ka të ardhura shumë më të larta se të ardhurat e zakonshme”, tha Rama.

 

Pas