Kryesore

Basha tregon çfarë iu tha dy ambasadorëve, të SHBA dhe BE


               Publikuar në : 21:31 - 26/06/19 |
geliano fataj

Kreu i opozitës, Lulzim Basha ka treguar për herë të parë se çfarë iu ka thënë dy ambasadorëve, të SHBA dhe BE-së në takimet që ka patur, po ashtu edhe drejtueses së misionit të ODIHR, Audry Glover.

“Qëndrimi i opozitës mbetet i prerë: Këto nuk janë zgjedhje. Ato nuk ekzistojnë as ligjërisht, as praktikisht. Këtë qëndrim ia kam bërë të qartë ditët e fundit të gjithë komunitetit ndërkombëtar, veçanërisht partnerëve që po përpiqen të ndihmojnë në zgjidhjen e krizës politike. U kam shprehur të vërtetën se votimi farsë antikushtetues, antiligjor dhe i kriminalizuar do ta thellojë krizën dhe do ta fusë Shqipërinë në një fazë me kosto të lartë për vendin”, tha Basha në një dalje për mediat.

Basha po ashtu komentoi sërish dhe vendimin e KiE-së që anuloi misionin e vëzhgimit të zgjedhjeve lokale.

“Dua të përshëndes vendimin e Këshillit të Europës për t’u tërhequr nga monitorimi i farsës së 30 qershorit. Arsyet janë ato që kemi thënë: Nuk ka konkurencë pa pjesëmarrjen e opozitës. Janë zgjedhje pa kuptim politik. Është një vendim i pastër politik, një distanicm i prerë nga zgjedhjet fallco një partiake, nga organizata kryesore e të drejtave të njeriut në Europë nga organizata kryesore që mbron të drejtën e zgjedhjeve të lira dhe pavarësisë së pushteti lokal”.

Kongresi i Autoriteteve Rajonale dhe Lokale është një strukturë e pavarur e Këshillit të Europës, dedikuar demokracisë vendore. Misioni i vëzhgimit në Shqipëri ishte parashikuar të përbëhej nga 26 anëtarë. / Opinion.al

Pas