Kronikë

Vrasja e katër turistëve rusë, në hetime do të përfshihet edhe ushtria



Bëhu pjesë e Grupit Zyrtar të Opinion.al
>> KËTU <<
               Publikuar në : 15:49 - 29/11/21 |
Opi Nion

Vdekja e 4 turistëve në Kavajë është cilësuar si vrasje nga prokuroria, ndërsa së fundmi mësohet se në hetime do të marrë pjesë edhe ushtria.

Sipas A2 konkretisht në hetime do të përfshihet Agjencia e Inteligjencës dhe Sigurisë së Mbrojtjes, pjesë aktive e forcave të armatosura.

Përfshirja e kësaj agjencia bëhet sepse ka laboratorin e specializuar, por edhe pajisjet që mund të detektojnë përdorimin e agjentëve biologjikë. Disa institucione të shëndetësisë, si Instituti i Sigurisë Ushqimore, sollën përgjigje negative sa i përket provave dhe akt-ekspertimeve të marra në hotelin ku humbën jetën 4 turistët rusë, të cilët ishin pjesë e një familjeje.

Nga raporti paraprak i hetimeve rezulton që katër viktimat janë asfiksuar, por mbetet e paqartë nga se. Përfshirja e ushtrisë tregon se pista e përdorimit të agjentëve biologjikë po ndiqet nga hetuesit shqiptarë.

Sergey Burenkov, 60 vjeç, dhe bashkëshortja Natalya Burenkova, 58 vjeç, ishin me pushime në Shqipëri, së bashku me vajzën e tyre Katia, 31 vjeç, dhe partnerin e saj Nikita Belousov, kur u gjetën të vdekur në saunën e një hoteli në plazhin e Qerretit në Kavajë.

Sipas burimeve të A2, ish-puna e burrit si gjeneral ushtrie ka shtuar dyshimet se turistët mund të jenë helmuar nga agjentë biologjikë, ndërsa një tjetër pistë është ajo e asfiksimit nga rrjedhja e gazit. Bashkëshortja Natalya Burenkova, 58 vjeç, kishte punuar si mësuese, vajza e tyre Katya në një kompani private, ndërsa partneri i saj Nikita Belousov, në administratën shtetërore.

Në kohën kur kanë kaluar më shumë se një muaj e gjysmë nga ngjarja ende nuk ka një të dyshuar.

Ngjarja e rëndë ndodhi më 15 tetor në hotel “Gloria” në Kavajë. Trupat e tyre janë tërhequr nga djali tjetër i familjes, Aleksandër Burenkov, nga morgu në Tiranë./Opinion.al

 

 

Pas