Aktualitet

Vidhte pajisje elektrike në banesa e servise, kapet në flagrancë 37-vjeçari në Durrës



Bëhu pjesë e Grupit Zyrtar të Opinion.al
>> KËTU <<
               Publikuar në : 16:39 - 27/10/22 |
Opi Nion

Një 37-vjeçar është arrestuar nga policia e Durrësit pasi akuzohet se ka kryer disa grabitje në qytet.

Uniformat blu bëjnë me dije se në pranga ka rënë 37-vjeçari me inicialet Xh.K, i cili u kap në flagrancë duke vjedhur banesën e një shtetasi.

Ndërkohë, pas arrestimit të tij, policia ka zbardhur dhe 3 vjedhje të tjera dhe 1 tentativë për vjedhje, autori i të cilit dyshohet të jetë Xh.K.

Njoftimi i policisë:

Vidhte gjatë natës, në mënyrë të përsëritur, sende dhe pajisje, në subjekte dhe banesa të ndryshme, në qytetin e Durrësit, identifikohet, kapet dhe vihet në pranga 37-vjeçari.

Shërbimet e Komisariatit të Policisë Durrës, në vijim të punës për zbardhjen e vjedhjeve të ndodhura më parë dhe vënien e autorëve të tyre para përgjegjësisë penale, kanë finalizuar operacionin policor të koduar “Mesnata”, si rezultat i të cilit u arrestua shtetasi:

– Xh. K., 37 vjeç, banues në lagjen nr. 12, Durrës, për veprën penale “Vjedhja”, kryer më shumë se një herë, pasi u kap në flagrancë duke vjedhur në banesën e një shtetasi.

Në kuadër të operacionit “Mesnata”, u bë gjithashtu zbardhja e 3 vjedhjeve të tjera dhe i 1 tentative për vjedhje, autori i të cilave dyshohet të jetë shtetasi Xh. K., konkretisht:

Më datë 14.10.2022, ka vjedhur disa vegla pune në një servis;

Më datë 24.10.2022, ka tentuar të vjedhë në banesën e një shtetasi tjetër, si dhe ka vjedhur disa materiale elektrike, në një servis;

Më datë 25.10.2022, ka vjedhur pajisje elektrike në kuzhinën e një shkolle jopublike.

Vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e rasteve të tjera të vjedhjeve që mund të jenë kryer nga ky shtetas.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

 

Pas