Aktualitet

Mbështetje nga BE për krizën energjitike, Von der Leyen tregon ku investohet në Shqipëri



Bëhu pjesë e Grupit Zyrtar të Opinion.al
>> KËTU <<
               Publikuar në : 17:21 - 27/10/22 |
Opi Nion

Në konferencën e përbashkët me kryeministrin Edi Rama në ambientet e Kryeministrisë, Presidentja e Komisionit Europian Urusula Von der Leyen ka prezantuar planin e Bashkimit Europian për përballimin e krizës së energjisë.

Von der Leyen deklaroi se do të jenë 80 milionë euro që do vijnë në formën e granteve, për të ndihmuar në përballimin e krizës së energjisë.

Ajo bëri me dije se do të bëhet investim në impiantin diellor të Vaut të Dejës.

“Ne po propozojmë një paketë mbështetëse për energjinë për Ballkanin Perëndimor. Mbështetje të drejtpërdrejt buxhetore për të ndihmuar në zbutjen e çmimeve. Do të jenë 80 mln euro në grante. Ju keni një sistem për të ndihmuar familjet, por edhe bizneset e vogla. Pjesa e dytë ka të bëjë jo me mbështetjen e menjëhershme, por që do të vijë pas janarit, për energjinë, 500 mln euro në grante për të investuar në infrastrukturën energjetike. Do të kanalizohet nëpërmjet planeve ekonomike dhe të investimeve. Për ne e rëndësishme edhe energjia e rinovueshme. Investimi do të jetë në impiantin lundrues diellor në Vaun e Dejës.
Kryeministër, i dashur Edi unë mendoj që Shqipëria mund të ndihet krenare për arritjet e saj. Nga fjalët dhe veprat qytetarët e Shqipërisë kanë treguar jo vetëm largpamësi, por edhe rezistencë. Më 6 dhjetor do të takohemi sërish në samit dhe do jetë një takim shumë i rëndësishëm”, tha Von der Leyen./Opinion.al

Pas