Aktualitet

Ta shpallim ‘det historik’,deputeti gjen zgjidhjen për çështjen me Greqinë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:01 - 06/10/20 |
Al Do

Deputeti i opozitës parlamentare, Kostaq Papa ka depozituar në Kuvend një projektligj, ku propozon që hapësira shqiptare e Jonit, nga Burtinti në Palasë, të shpallet Det Historik duke i hequr kështu mundësinë Greqisë për të zgjeruar kufirin detar.

Projektligji me një relacion dy faqe të gjatë, synon t’i japë zgjidhje debatit të fundit lidhur me 12 milje detare në kufirin shqiptaro-grek.

I propozuar nga deputeti Kostaq Papa, i njohur si “deputeti xhentëllmen”, drafti synon të mbyllë spekulimet në lidhje me problemet që janë shfaqur nga kërkesa e shtetit fqinj për zgjerimin e ujërave detare.

Deputeti Kostaq Papa
Deputeti Kostaq Papa

 

Po ashtu, projektligji synon të mbyllë mundësinë për korrupsion me ujërat detare e detin territorial shqiptar nga nëpunës të shtetit shqiptar gjatë tratativave për marrëveshje me vendet fqinje.

Argumenti kryesor i këtij drafti, është pikërisht, mbyllja përfundimtare e mundësisë së matjeve te gabuara e me shumë përthyerje në detin e Gjirit të Sarandës dhe çon vijën e ujërave tona në koordinatat e duhura e të përcaktuara nga institucionet ndërkombëtare kur u vendosën kufijtë shtetërorë të Shqipërisë.

Argumentimi vijon më tej se “në këto hapësira ujore detare shqiptare kanë ndodhur ngjarje të rëndësishme historike botërore, rajonale e kombëtare,” të cilave propozuesi iu është referuar në tërësi si “historike”, të tilla si zbarkimi i Eneas dhe luftëtarëve të mbijetuar të Trojës në Butrint para se të vijonin udhëtimin epik për themelimin e Romës, zbarkimi i Jul Cezarit në Palasë gjatë luftërave civile, betejat e Karl Anzhuinit apo betejat me “piratin e detit Haxhi Dauti”, shkruan deputeti Kostaq Papa.

Sa i përket, ndikimit ekonomik, miratimi i projektligjit nuk pasohet me efekte financiare shtesë, por do të sjellë të ardhura nga shfrytëzimi turistik i kësaj hapësire detare e historike./ Opinion.al

Pas