Bota

Senati i vendosur që të kufizojë veprimet e Trumpit kundër Iranit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 13/02/20 |
el ida

Senati, edhe pse i kontrolluar nga republikanët, ka çuar përpara votimin fillestar të një mase që synon të kufizojë presidentin amerikan, Donald Trump për marrjen e vendimeve ushtarake kundër Iranit.

Rezoluta i kërkon Trumpit që të largojë trupat amerikane, të përfshira në armiqësi kundër Iranit, përveç rasteve kur Kongresi shpall luftë apo miraton autorizim specifik për përdorim të forcës ushtarake.

Trump dhe mbështetësit e tij kanë thënë se kjo masë do të dërgojë sinjal të gabuar te Irani dhe armiqtë e tjerë potencialë.

“Është shumë e rëndësishme për sigurinë e shtetit që Senati i Shteteve të Bashkuara të mos votojë për Rezolutën për Fuqitë e Luftës ndaj Iranit. Ne jemi duke kaluar mirë me Iranin dhe kjo nuk është koha për të treguar dobësi”, ka thënë presidenti Trump përmes një postim në Twitter.

Nga ana tjetër, senatori demokrat, Tim Kaine, që ka udhëhequr procedurat e kësaj rezolute, u ka thënë gazetarëve:

“Ne nuk dërgojmë sinjal të dobësisë kur ngrihemi për sundim të ligjit”./Opinion.al

Pas