Kronikë

“Polici e ofendoi”, rrëfehet gruaja e 70-vjeçarit të plagosur në Fier


               Publikuar në : 10:54 - 13/02/20 |
Opi Nion

Mëngjesin e sotëm u njoftua se një efektiv policie në gjendje të dehur ka bërë aksident me makinën e tij, duke u futur në oborrin e një banese në Fier. Ngjarja ndodhi rreth orës 2 të mëngjesit në lagjen “Sheq i Madh.

Pas aksidentit, efektivi i policisë, Paulin Shpani, është përleshur pronarin e shtëpisë, Soni Meço, ndaj të cilit qëlloi me armën e shërbimit duke lënë të plagosur.

Ndërkohë, bashkëshortja e të plagosurit, Dhimitrie Meço ka rrëfyer të gjithë skenën që ndodhi mëngjesin e kësaj të enjte para banesës së saj. Ajo deklaron se, polici e ka ofenduar 70-vjeçarin, por teksa nisën të përlesheshin efektivi ka nxjerrë armën e shërbimit dhe ka qëlluar.

“Në orën 1 e gjysëm ishim duke fjetur, por dëgjova zhurmë dhe dola në ballkon. Pash që ishte aksidentuar makina dhe ishte futur në oborrin tonë. Zbritëm poshtë. Ishte vetëm një person. Kur burri pa makinën që ishte dëmtuar i tha; shiko ça më ke bërë. Ai (Polici) nisi që të shante. ‘Unë e djeg, unë të bëj..’. Filloi pastaj të shante burrin. Burri u acarua dhe u kacafytën, pastaj u rrëzuan dhe përleshën. Në kohë kur u përleshën, pash që polici nxori armën dhe e mbante në dorë. Burri më shtyti matanë që të më mbronte. Më pas arma u shkrep, dhe burri u plagos në dorë. Pastaj erdhi policia, se unë e kisha lajmëruar sapo pash që një makinë ishte në oborrin tonë”, tha e moshuara.

Polici Shpani, ka hyrë me mjetin e tij “Ford” brenda oborrit të shtëpisë së Soni Meços dhe aty ka dëmtuar dhe mjetin e 70-vjeçarit. Po ashtu mësohet se kjo është hera e tretë që në oborrin e kësaj banesë përfundojnë makina të asidentuara. Ndërkohë, polici është arrestuar dhe po merret në pyetje për ngjarjen./ Opinion.al

Pas