Bota

Rusia kërcënon shtetin më të varfër në Europë për furnizimin me gaz


Bëhu pjesë e Grupit Zyrtar të Opinion.al
>> KËTU <<
               Publikuar në : 08:45 - 27/10/21 |
Opi Nion

Në kohën kur kriza energjetike ka prekur shumë vende, Moldavia po kërcënohet nga Rusia për furnizimin me gaz. Vendi është zhytur në krizë ndërkohë që ministri i Jashtëm Nicu Popesku po përpiqet të jetë pozitiv.  “Të hënën vendi ynë bëri histori”, thotë ministri i jashtëm i Moldavisë. “Për herë të parë Moldavia bleu gaz nga një burim që nuk ishte Gazprom i Rusisë.”

Dërgesa e gazit erdhi nga PGNiG e Polonisë dhe ishte një milion metra kub.

Moldavia do të ketë nevojë për vëllime shumë më të mëdha nëse Gazprom bën atë që ka kërcënuar të bëjë “të mbyllë rubinetat e gazit”, shkruan BBC.

Deri më tani 100% e gazit të Moldavisë ka ardhur nga Rusia. Por kontrata për furnizimin e tij skadoi në fund të shtatorit. Gazprom e rriti çmimin dhe Moldavia nuk arriti ta paguajë atë. Në mungesë të një marrëveshjeje të re, gjigandi rus i energjisë reduktoi furnizimet, duke bërë që Moldavia të shpallë një gjendje të jashtëzakonshme 30-ditore. Gazprom akuzoi Moldavinë për “provokimin e një krize” dhe kërkoi shlyerjen e një borxhi prej 709 milionë dollarësh (, të cilin Moldavia e kundërshton.

Negociatat vazhdojnë. Zyrtarët moldavë thonë se do të donin të nënshkruanin një kontratë të re me Gazprom, por vetëm nëse kushtet janë të favorshme/Opinion.al

Pas