Ish-Sekretari i Përgjithshëm i PD, Arben Ristani ka kërkuar ditën e sotme dorëheqjen e Lulzim Bashës nga posti i kryetarit të Partisë Demokratike pas humbjes së zgjedhjeve të 25 prillit.
Ristani nëpërmjet një statusi në llogarinë e tij në “Facebook” shkruan se kur humb zgjedhjet, tërhiqesh me dinjitet dhe ndihmon partinë të rimëkëmbet.
“Kur humb zgjedhjet në mënyre të përsëritur, tërhiqesh me dinjitet dhe ndihmon partinë të rimëkembet. Kështu mendoj se duhet të ishte një sjelljë me moral në një parti demokratike dinjitoze. Ndryshe vazhdon e mban dyqan për përfitime personale.”– shkruan Ristani.
Nër të tjera Ristani shkruan se Basha pas dy humbjeve për pushtetin si qëndror por dhe lokal, nuk ka shans që herën e tretë të udhëheqë PD-në drejt fitores.
“Lulzim Basha që na udhëhoqi dy herë në humbje të pushtetit qendror dhe atij lokal, nuk ka asnjë shans që herën e tretë, të na udhëheqë në fitore. Humbja erdhi sepse ai beri gabime tashmë të njohura dhe të përsëritura, në mënyrën se si drejtoi opozitën dhe për më teper, nuk i bindi shqiptarët, se ai do të ishte për ta kryeministri i duhur. Politika është moral.”– shkruan ish-Sekretari i Përgjithshëm i PD.
Postimi i plotë nga Arben Ristani:
PD humbi ne keto zgjedhje.
Demokratet jane krenare se kane duruar me dinjitet nje opozite te veshtire 8 vjecare.
Kane zhvilluar me vitalitet nje beteje te forte opozitare.
Garuan dhe menaxhuan nje proces zgjedhor nga i cili, pavarsisht se nuk fituan, treguan se PD eshte parti e madhe, e dashur dhe e mbeshtetur fuqishem nga shqiptaret.
Kjo humbje do te thote edhe 4 vjet te tjera opozite.
Manipulimet zgjedhore te kundershtarit do kene me siguri pasoja ligjore, por beteja kunder tyre nuk e ndryshon faktin se tashme, ka filluar nje 4 vjecar tjeter opozite.
Eshte momenti dhe kemi nevoje per reflektim.
Lulzim Basha qe na udhehoqi dy here ne humbje te pushtetit qendror dhe atij lokal, nuk ka asnje shans qe heren e trete, te na udheheqe ne fitore.
Humbja erdhi sepse ai beri gabime tashme te njohura dhe te perseritura, ne menyren se si drejtoi opoziten dhe per me teper, nuk i bindi shqiptaret, se ai do te ishte per ta kryeministri i duhur.
Politika eshte moral.
Mbi te gjitha te ky moral eshte bazuar edhe tradita e PD.
Kur humb zgjedhjet ne menyre te perseritur, terhiqesh me dinjitet dhe ndihmon partine te rimekembet.
Keshtu mendoj se duhet te ishte nje sjellje me moral ne nje parti demokratike dinjitoze.
Ndryshe vazhdon e mban dyqan per perfitime personale./Opinion.al
