Aktualitet

Rama rrëfen prioritetet e mandatit. Për integrimin: BE humbi busullën


Bëhu pjesë e Grupit Zyrtar të Opinion.al
>> KËTU <<
               Publikuar në : 20:40 - 28/08/21 |
Opi Nion

Në intevistën për Huffington Post Italia, kryeministri Edi Rama përveç strehimit të afganëve është ndalur edhe në çështje të tjera si pandemia, integrimi si dhe objektivat e mandatit të tretë. Sa i takon pandemisë kreu i qeverisë e ka vënë theksin tek vaksinimi.

Ne vazhdojmë të monitorojmë situatën përmes Komitetit të Ekspertëve të shëndetit publik dhe përpiqemi të jemi pragmatikë, duke marrë vendime bazuar në përvojën e akumuluar dhe të dhënat shkencore në dispozicion” tha ai.

Në Itali po zhvillohet një debat i madh për rihapjen e shkollave, po në Shqipëri a do të hapen shkollat, e pyeti gazetari? “Unë shpresoj që po, por ne duhet të shtrëngojmë shumë më tepër vaksinimin për të gjithë ata që duan të vazhdojnë vitin akademik në klasa dhe auditor” tha ai.

Ndërkohë sa i takon integrimit, Rama u shpreh se Bashkimi Europian ka humbur busullën.

Bashkimi Europian është në një ngërç me shenja mjaft shqetësuese të ndarjeve dhe përçarjeve të dukshme të brendshme.Duket se që nga kriza e madhe e refugjatëve e konfliktit në Siri ka humbur jo vetëm një pjesë të tërheqjes së saj të madhe, por edhe busullën e tij të orientimit kur bëhet fjalë për të menduar për zgjerimin në Ballkan. Sipas mendimit tim ky është shembulli më i qartë i të qenit peng i nacionalizmave, për të cilin më vjen keq sepse është një projekt i lindur pikërisht për të luftuar këto nacionalizma” tha ai.

Kreu i ekzekutivit foli edhe për prioritetet e mandatit të tretë qeverisës. “Të dalim më të fortë nga tërmeti shkatërrues që na goditi para dhe nga pandemia që erdhi menjëherë pas, investimi në energjitë e rinovueshme, mbyllja e rrethit të dixhitalizimit të shërbimeve publike për të mbyllur të gjitha dyert e burokracisë torturuese, duke filluar këtë vit me gjuhën angleze në klasën e parë dhe duke transformuar të gjithë sistemin e njohurive të teknologjisë në shkollë.

Transformimin e tre porteve të vjetra tregtare në porte turistike dhe ndërtimin e dy aeroporteve të reja për ta çuar turizmin në një nivel tjetër, duke u përpjekur të shmangim gabimet e së kaluarës në zhvillimin e bregdetit; të përqendrohemi edhe më shumë në rritjen e eksporteve të produkteve bujqësore etj. E gjithë kjo pa harruar kurrë se korrupsioni dhe burokracia duhet të trajtohen pa pushim si armiq të sundimit të ligjit dhe të drejtave të qytetarëve” deklaroi ai.

 

 

Pas