Politikë

PD: Qeveria shpërbleu Denar Bibën për organizimin e zgjedhjeve pa opozitë


               Publikuar në : 12:47 - 16/02/20 |
Al Do

Emërimi i Elona Kanës në Entin Rregullator të Ujit nga qeveria ka sjellë reagimin e Partisë Demokratike.

Ish-këshilltarja gjyqësore në Gjykatën e Lartë u dorëhoq nga procesi i vettingut ende pa dalë vendimi i tij. Kjo solli gjithashtu edhe përjashtimin e  saj nga sistemi i drejtësisë për 15 vite. Elona Kana është bashkëshortja e nënkryetarit të KQZ-së, Denar Biba.

LEXO EDHE – La vetingun në mes, qeveria i jep postin e ri gruas së zv/kryetarit të KQZ

Emërimi i saj detyrën e re sipas PD është një “shpërblim” nga ana e qeverisë për Denar Bibën pasi sipas tyre ai “organizoi votime të paligjshme pa opozitën”.

Lufta kundër korrupsionit në dorën e Edi Ramës është vetëm propagandë. Ai ndryshe flet dhe ndryshe vepron. Edi Rama flet për luftë kundër bandës KÇK në drejtësi, por ata që nuk kalojnë vetingu, i emëron në detyra të tjera shtetërore”, tha Klevi Balliu në një deklaratë për mediat.

Ai shtoi se emërimi i një personi që nuk e ka kaluar vettingun në post qeveritar ka shkelur gjithashtu edhe një nga kushtet e Budestagut.

Edi Rama flet për ndjekje penale ndaj atyre që nuk justifikojnë pasurinë para vetingut, por kur këta I kanë shërbyer pushtetit të tij të paligjshëm, ai hedh në kosh edhe një nga kushtet kyç të Bundestagut për hapjen e vërtetë të negociatave me Shqipërinë. Sa për kujtesë, Rezoluta e Bundestagut shprehet qartë…. Fillimi i procedimeve penale kundër atyre që nuk kalojnë vetingun”- thuhet në rezolutën e Bundestagut. Emërimi i bashkëshortes së Denar Bibës në një detyrë shtetërore, pasi dështoi me vetingun do të thotë se shërbëtorët e Edi Ramës në drejtësinë e kalbur nga korrupsioni dhe të kriminalizuar nga paratë e krimit, janë të paprekshëm!”, shtoi Balliu. /Opinion.al

Pas