Te Fundit

Patozi: Të bëftë mirë kafja me Metën zoti Kryemisnitër!


Bëhu pjesë e Grupit Zyrtar të Opinion.al
>> KËTU <<
               Publikuar në : 14:38 - 10/09/15 |
b.f

TIRANE-Deputeti i Partisë Demokratike Astrit Patozi me një gjuhë ironike thumboi Kryeministrin Rama në sallën e Parlamentit, duke i risjellë në vemendje disa email-e informale me vartësit e tij.

“Qeveria jonë vjedh, madje e ka dorën shumë të rëndë. Është edhe e paaftë. Ky krim me financat na është krijuar nga Tatimet dhe Doganat. Ta gëzosh buxhetin z Rama. Të bëftë mirë kafja e mëngjesit të së hënës me Ilir Metën, ëndrra me ngjala vazhdon..”, tha Patozi.

Ka replikuar ministri i Brendshëm Tahiri:  “Më vjen mirë që të paktën ka një njeri të arsyeshëm nga opozita, që flet pa bërtitur, pa u çjerrë, pranoj të ngrini gishtin kundër meje, kundër policisë, nuk ka problem, mjafton të bëjmë një marrëveshje fjale. Në këtë rast, unë do të doja t’ju bëja thirrje të shohim të dhënat në sy se ashtu mund të zgjidhim problemin. Zoti Patozi ju keni qenë kreu i grupit parlamentar të PD dhe u kuptoj të ishit me një qeveri si ajo që ishit. Por unë nuk kuptoj pse nuk keni folur në atë kohë dhe flisni tani”.

Patozi:  Zoti ministër, ne të dy kemi një diferencë të madhe sepse unë pres që të vërtetat e mia ti ‘dëgjojnë sa më shumë njerëz kurse ti mezi pret të kalosh radhën në seancë. Unë në jetën time nuk kam marrë as një e-mail poshtërues dhe një mesazh si ai që more ti vjet, nëse do i kisha marrë do jepja dorëheqjen. Nëse ti jep shifra dhe fsheh kokën si struci, ki parasysh që shqiptarët i kanë parë live parcelat me drogë. Je ministri më i akuzuar që nga viti 1912 për lidhje me botën e krimit, që nga politika, njerëz të thjeshtë, të policisë, dhe duhet të jepje dorëheqjen. Kam bindjen që ti nuk je e keqja më e madhe, dorëheqja jote nuk mjafton, në vendin tënd ai që do të vijë do bëjë të njëjtën gjë. Bandat kanë lidhje me politikën dhe problemi këtu është kryeministri dhe kjo qeveri.

KOMENTO (0)

Shkruaj nje koment

    Pas