Kryesore

Pas akuzave për shantazh, Veliaj sulmon sërish Bashën


Bëhu pjesë e Grupit Zyrtar të Opinion.al
>> KËTU <<
               Publikuar në : 17:16 - 18/10/20 |
Opi Nion

Kryetari i Bashkisë së Tiranës Erion Veliaj ka sulmuar sërish kreun e Partisë Demokratike Lulzim Basha. Ndërsa dy ditë më parë ai kërkoi nga SPAK hetim për kryetarin e PD, që sipas tij po shantazhonte biznese, sërish gjatë një takimi të dielën me Asamblenë e PS në Baldushk, Veliaj ka rimarr të njëjtin argument.

Duke ju referuar dy shtëpive të ndërtuara nga një biznesmen në Tiranë për dy familje të dëmtuara gjatë tërmetit, Veliaj u shpreh: “Dikush që na kishte parë sot tha: Lali Eri, këto shtëpi i ka bërë ky oligarku që i ka dhënë edhe dy vila Lul Bashës, mos harro! I thashë, lali, ka një diferencë shumë të madhe: kur Partia Socialiste i kërkon ndihmë një sipërmarrësi, i kërkon për të ndihmuar Afërditën dhe Mirelën, kur Partia Demokratike i bie në qafë një sipërmarrësi, e bën për Lulin edhe për kunatin”.

LEXO EDHE -Veliaj:SPAK të hetojë Bashën dhe kunatin e tij, u vendosin gjoba bizneseve

Gjatë këtij takimi, Veliaj nuk ka lënë pa përmendur edhe argumentin e rihapur të inceneratorëve, ku të dyja forcat politike kanë artikuluar akuza ndaj njëra-tjetrës.

“Shoh që sot janë të mërzitur që Tirana është më e pastër. Sot janë të mërzitur që në vend të atij mullarit me plehra është një kodër e gjelbër. Sot janë të mërzitur që në vend të atyre zjarreve që digjeshin të gjitha lëndët kancerogjene që vinin pastaj në mushkëritë tona, sot janë mbjellë 10 mijë pemë dhe është bërë 30% më lirë se plani i tyre. Po sigurisht që janë të mërzitur se iu kemi prishur biznesin, ” tha më tej Veliaj.

Kujtojmë se i vendosur në krye të fushatës elektorale për kryeqytetin, Veliaj gjatë këtyre ditëve ka artikuluar akuza dhe qëndrime kundër kryetarit të Partisë Demokratike Lulzim Basha, ndryshe nga Kryeminstri Rama, i cili këtë periudhë shfaq raporte të tensionuara veçanërisht me Presidentin Meta./Opinion.al

Pas