Aktualitet

Nuk pranon të japë audio-regjistrimin e 21 janarit, Mark Nika: Ta marrë vetëm SPAK



Bëhu pjesë e Grupit Zyrtar të Opinion.al
>> KËTU <<
               Publikuar në : 13:46 - 25/01/23 |
Opi Nion

Pas deklaratës së ditës së djeshme të xhaxhait të Aleks Nikës, se disponon kasetën e audioregjistrimit të  “21 janarit”, oficerët e policisë gjyqësore të sektorit të vrasjeve në policinë e Tiranës kanë shkuar në familjen e tij.

Mark Nika xhaxhai i Aleks Nikës ka thënë se familja nuk kishte pranuar që të jepte audiopërgjimin ku dëgjohet të flasë ish-komandanti Ndrea Prendi.

Ai shprehet se hetuesit e prokurorisë gjyqësore erdhën për të marrë informacione se çfarë provash kanë siguruar familjarët.

Gjithashtu Nika shton se një regjistrim audio i siguruar nga  familja në lidhje me vrasjet mund të marret në hetim vetëm nga SPAK, ai akuzon Prokurorinë  e Tiranës duke thënë se është politizuar.

“Sot në shtëpinë e Aleksit erdhën hetues të prokurorisë gjyqësore për të marrë informacione për faktin se çfarë provash kemi siguruar ne. Çështja ka qenë e varrosur në Prokurorinë e Tiranës. Ata nuk kanë pasur vullnetin që çështja të hetohet. Kjo ndoshta jo nga paaftësia, por nga ndikimet politike, pasi ka influencime nga Berishizmi.

Oficerët e Policisë Gjyqësore kërkuan që të njiheshin me kasetën, autoregjimistrin. Kjo është pronë e jona, por kërkojmë që ta marrë vetëm SPAK. Kërkojmë që ta marrë vetëm SPAK, se vetëm aty kemi besim. Është i paanshëm. Kjo do të çonte drejt zbardhjes së çështjes. Prokuroria e Tiranës nuk ka këllqe që të merret me këtë çështjes,”-, deklaron xhaxhai Aleks Nikës./Opinion.al

Pas