Vijojnë kontrollet nga autoritetet për respektimin e masave antiCOVID. Policia e Shtetit njofton se janë ndëshkuar me gjobë 666 qytetarë, të cilët janë konstatuar pa maskat mbrojtëse gjatë 24 orëve të fundit.
Gjatë kontrolleve janë shoqëruar në ambientet e Policisë në të gjithë vendin, 8 shtetas që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe janë lënë të lirë.
Po në 24 orët e fundit, policia ka ndëshkuar me masë administrative 1.000.000 lekë, një lokal që ushtronte aktivitetin duke mos respektuar protokollet e sigurisë antiCOVID./ Opinion.al
KOMENTO (0)
