Politikë

Nga djegia e mandateve tek protestat, LSI fajëson Bashën për dështimet e opozitës


Bëhu pjesë e Grupit Zyrtar të Opinion.al
>> KËTU <<
               Publikuar në : 17:17 - 20/11/21 |
Opi Nion

LSI vijon të sulmojë kreun e PD, Lulzim Basha, pasi ky i fundit ka akuzuar Presidentin Ilir Meta si pjesë e politikanëve që kanë dëmtuar Shqipërinë.

Ish-deputetja e LSI, Floida Kërpaçi, nëpërmjet një postimi në “Facebook”, fajëson Bashën për humbjen në zgjedhjet e 25 prillit, edhe pse vet LSI mori vetëm 4 manadate.

Po ashtu, Kërpaçi bën përgjegjës Bashën për djegien e mandateve, bojktoimin e zgjedhjeve në 2019, por dhe për dështimin e protestave. Veprime këto që në atë kohë janë ndërmarrë nga Basha dhe me mbështetjen e kryetares së LSI, Monika Kryemadhi.

Reagimi i Kërpaçit

Ja iku Rama, po kush do vijë? Në demokraci kjo pyetje nuk ka vend, mirëpo në fasadë-demokracinë shqiptare, rezulton e kundërta.

Jemi përballur me këtë presion nga qytetarët në çdo ditë të aksionit opozitar 4 vjeçar dhe fushatës elektorale që lamë pas.

Njerëzit donin ndryshimin, e megjithatë shikonin tek lidershipi i opozitës, një kopje të shëmtuar të së keqes në pushtet.

Shqiptarët nuk shikonin forcë karakteri dhe vullnet për të mbrojtur interesat e tyre, por shitje të kauzave dhe papërgjegjshmëri për fjalën e dhënë.

Kjo është trashëgimia e kunat-Lulit si kreu i opozitës së bashkuar dhe arsyeja kryesore pse opozita në tërësi dhe LSI si mbështetëse pa kompromis të Opozitës së Bashkuar, morën atë rezultat në zgjedhjet e 25 Prillit.

Për më tepër, duke ndjekur deklaratat me regji nga kampi i PD drejtuar LSI, nuk kam gjetur asgjë të përbashkët me çfarë diskutohej në mbledhjet e grupeve parlamentare PD-LSI, si pjesë e opozitës së bashkuar.

Luli nuk mund të fshihet pas aleatit, sepse nuk e detyruam ne të vijonte 17 Majin, të digjte mandatet, të bojkotonte zgjedhjet, të godiste institucionet, të shkaktonte protesta dhe pastaj të linte opozitarët rrugëve nëpër komisariate.

Pas