Kryesore

Dorëzohet blloku i banesave të rindërtuara, Rama: Përfitojnë 33 mijë familje


Bëhu pjesë e Grupit Zyrtar të Opinion.al
>> KËTU <<
               Publikuar në : 17:29 - 20/11/21 |
Opi Nion

Pasditen e sotme, kryeministri Edi Rama  ka dorëzuar bllokun e parë të banesave të rindërtuara në Vaqarr, për familjet e prekura nga tërmeti i 26 nëntorit 2019.

Rama tha gjatë fjalës së tij se  janë 33 mijë familje të prekura nga tërmeti, të cilat do të marrin shtëpi të reja.

Kreu i qeverisë, bëri me dije se dorëzimi i banesave të tjera do të vazhdojë në Ndroq, Zall Herr, tek “5 maji” apo edhe në zona të tjera.

Më teja, Rama tha se të gjitha ato familje që janë zhvendosur nga banesat ku kanë jetuar më parë, do të marrin titujt e pronësisë.

“Përveç ndërtimit të shtëpive u realizua edhe ideja e një lagje të re, e cila ka pranë shkollën 9-vjecare, shkollën e mesme ka pranë qendrën shëndetësore dhe shërbimet administrative, duke krijuar hapësirë kushtesh të reja për të gjitha ata që në 26 nëntorin e dy viteve më parë mbetën pa çati në kokë. Sot jo vetëm kthehen në shtëpi, por kthehen në shtëpi shumë më të mira se ato që humbën. Kanë sot më shumë sec kishin kur i goditi ajo tragjedi e  madhe Mua më vjen mirë që kjo përpjekje po ndryshon cilësisht jetën e 33 mijë familje. Janë 33 mijë familje në hapësirën ku ka goditur tërmeti i 26 nëntorit. Që nga ata që kanë pasur dëme të lehta, deri tek ata që humbën plotësisht shtëpinë falë kësaj përpjekje të madhe janë në kushte më të mira sesa ishin. Nëse shohim sot listën e atyre që kanë hyrë në shtëpi, janë mijëra e mijëra që banojnë në shtëpi të rindërtuara. Janë mbi 500 fëmijë vetëm në bashkinë e Tiranës, janë shumë të tjera që banojnë në apartamente të rindërtuara.  Kemi filluar me blloqet, së shpejti do të hyjnë në shtëpi jo vetëm ata që janë në pritje në Ndroq, Zall Herr apo në pika të tjera, ‘5 maji’ do të jetë lagjja urbanistikisht shembullore e Tiranës. Në ditët e ardhshme do të hyjnë në shtëpi banorët e Bubqit dhe ku në vend të një situate urbane realisht të degraduar, të gjitha ato familje do të kenë një hapësirë urbane shembullore. Më tej në Thumanë e Laç. Laçi sot po bëhet një qytet nga e para. Në Lezhë ku ka një bllok të tërë që është drejt përfundimit. Në Kavajë apo edhe në Rrëshen, apo lart në Krujë ku sapo ka nisur puna, apo në Durrës ku ishte goditja më e madhe. Procesi ka pasur vështirësi me titujt e pronësisë për të garantuar që procesi të jetë i drejtë dhe për të garantuar që ata që spostohen nga vendbanimet e mëparshme të marrin titujt e pronësisë”, -tha Rama./ Opinion.al

Pas