Bota

Ndodheshin në SHBA për stërvitje,qëllohen me armë 3 komando holandeze jashtë hotelit



Bëhu pjesë e Grupit Zyrtar të Opinion.al
>> KËTU <<
               Publikuar në : 17:33 - 28/08/22 |
Opi Nion

Tre komando holandeze, të cilët ndodheshin në SHBA për stërvitje, janë qëlluar dhe plagosur jashtë një hoteli në qytetin e Indianapolis, teksa ishin jashtë detyrës.

BBC shkruan se ngjarja ka ndodhur rreth orës 03:30 të së shtunës me orën lokale në lagjen e qytetit. Policia e Indianapolis thotë se oficerët i gjetën tre burrat me plagë me armë zjarri dhe ata u dërguan në spitalet aty pranë.

Ndërkohë, ministria holandeze e mbrojtjes tha se njëri nga burrat ishte në gjendje kritike për jetën dhe se dy të tjerët ishin të vetëdijshëm.

Ai tha se të tre ishin anëtarë të Korpusit Komando, një nga njësitë e operacioneve speciale në forcat e armatosura të Holandës.

Po ashtu ministria bëri me dije se të shtënat kanë ndodhur gjatë kohës së pushimit para hotelit ku ata po qëndronin.

Ndërkohë, policia lokale dyshon se ngjarja ka ndodhur pas një grindje të mëparshme mes tre burrave dhe një personi apo grupi tjetër.

Një oficer i Departamentit të Policisë Metropolitane të Indianapolis tha: “Për momentin informacioni që ne jemi të gatshëm të zbulojmë është se nuk ishte diçka që ka ndodhur brenda hotelit.

“Ishte një sherr i mëparshëm që besojmë në një vend tjetër”.

Ministria holandeze e mbrojtjes tha se familjet e të plagosurve ishin informuar dhe se një hetim nga policia lokale  ishte duke u zhvilluar. Ndërsa deri më tani në lidhje me ngjarjen nuk është bërë asnjë arrestim./Opinion.al

Pas