Politikë

Meta-Ramës:Vjen në Vlorë kur del dielli, mua as kamerdarja s’më bën derman


Bëhu pjesë e Grupit Zyrtar të Opinion.al
>> KËTU <<
               Publikuar në : 16:49 - 18/01/21 |
Doriana Çepunaj

Presidenti, Ilir Meta, gjatë bashkëbisedimit me gazetarët këtë të hënë nga Vlora, iu është përgjigjur edhe deklaratave të kryeministrit Edi Rama, i cili lidhur me situatën e përmbytjeve tha se opozita dhe presidenti po përdorin problemet me të cilat përballet vendi si një kamerdare shpëtimi.

Meta deklaroi se kryeministri Rama shkon në Vlorë kur del dielli dhe jo kur qyteti ka probleme. “Jam me fat që nuk isha në Vlorë kur ndodhi përmbytja e madhe, pasi as kamerdarja nuk do të më bënte derman mua. Faleminderit Zotit që keni shpëtuar të gjithë ju. Sa i takon kryeministrit, ai do të vinte në Vlorë pasi të dilte dielli”, u shpreh Meta.

Në një konferencë për mediat Rama tha tre ditë më parë: “Sa i përket presidentit Meta, presidenti Meta është në hall, s’kam asgjë për t’i thënë, është në kërkim të një komerdareje e kudo ku shef ujë shkon për të gjetur komerdaren, kështu që nuk e ndihmoj dot, unë atij”./Opinion.al

Pas