Kronikë

Masakra e Fushë-Krujës/ Përcillen sot në banesën e fundit Martinaj dhe Hoxha



Bëhu pjesë e Grupit Zyrtar të Opinion.al
>> KËTU <<
               Publikuar në : 11:46 - 18/07/22 |
Opi Nion

Dy nga tre viktimat e atentatit të djeshëm të Fushë-Krujës do të përcillen këtë të hënë në banesën e fundit. Ceremonia mortore e Brilant Martinaj, 23 vjeç, do të zhvillohet rreth orës 13:00. Ndërkohë dy orë më vonë do të jetë dhe ceremonia mortore e Besmir Hoxhës, që u ekzekutua po dje.

Ndërkaq Dikler Vata, i cili dyshohet se ishte truprojë e Brilant Martinajt do të përcillet nesër në banesën e fundit.

 

Kjo është foto nga lajmërimi i vdekjes, ku shfaqet dhe imazhi i 30-vjeçarit. Tre të rinjtë po udhëtonin nga Rinasi në drejtim të Fushë-Krujës kur nga një automjet paralel me ta, u qëlluan 90 plumba në drejtim të tyre.

Diklen Vata ka arritur të dalë i gjallë nga automjeti që u përfshi nga flakët, por atentatorët, janë rikthyer për ta ekzekutuar.

Ndërkohë, detaje të reja u zbuluan sot në lidhje me ngjarjen e rëndë. Sipas provave dhe dëshmive të mbledhura deri tani nga ana e ekspertëve, ka dyshime se autorët mund të jenë ish-pjesëtarë të forcave speciale.

Burime për News 24 e mbështesin këtë fakt në saktësinë e përdorur në qitje, ku duket se asnjë prej plumbave të qitur nga armët nuk ka shkuar bosh. Gjithashtu një tjetër fakt që mbështet këtë dyshim është edhe mënyra simetrike e daljes së autorëve nga makina me të cilën kanë qenë duke udhëtuar në momentin që  kanë kryer krimin.

Sipas të njëjtave burime, arma automatike MP 5 e përdorur në këtë ngjarje, është e vështirë të kontrollohet në qitje dhe është armë që përdoret vetëm nga pjesëtarë të forcave speciale të RENEA-s, të reportit special të ushtrisë dhe Gardës.

Policia dyshon se objektivi i atentatit ishte pikërisht Brilant Martinaj. Kjo, pasi pjesa më e madhe e plumbave të autorëve ishin në drejtim të pasagjerit në vendin e parë të makinës, ku edhe gjendej i ulur Martinaj./Opinion.al

 

 

Pas