Rajoni

Lavrov: BE nuk donte që të shprehnim mbështetjen për Ballkanin e Hapur



Bëhu pjesë e Grupit Zyrtar të Opinion.al
>> KËTU <<
               Publikuar në : 15:38 - 06/06/22 |
Opi Nion

Ministri i Jashtëm rus, Sergei Lavrov, e quajti “të paimagjinueshëm” vendimin për ndalimin e fluturimit për në Serbi nga tre vende, Bullgaria, Mali i Zi dhe Maqedonia e Veriut.

Sipas Lavrovit, nuk mund t’i hiqet një shteti sovran e drejta për të ndjekur politikën e saj të jashtme.

“Ndodhi diçka e paimagjinueshme. Shtetit sovran i është hequr e drejta për të ndjekur politikën e jashtme. Aktivitetet ndërkombëtare të Serbisë në drejtimin rus janë bllokuar”, – u shpreh Lavrov.

Me këtë procedurë, Perëndimi ia bën të qartë Rusisë se do të vazhdojë të ushtrojë presion ndaj Moskës, pa përdorur asnjë mjet, theksoi Lavrov ndër të tjera.

Ndërsa më tej tha:“Askush nuk do të jetë në gjendje të prishë marrëdhëniet tona me Serbinë”.

“Në çdo rast, kontaktet tona nuk po zhduken. Ne e kemi ftuar Selakoviçin të vizitojë Rusinë sa më shpejt të jetë e mundur. Shpresojmë që avioni me të cilin do të fluturojë të mos i nënshtrohet një dënimi tjetër të turpshëm nga Brukseli.” tha ai.

Por teksa komenton se çfarë do të diskutohej në Serbi, Lavrov përmend edhe Ballkanin e Hapur, duke thënë se BE nuk ka pranuar që Moska t’i japë mbështetje Serbisë, apo projektit Ballkani i Hapur.

“Natyrisht ata që po i tërheqin fijet në Bruksel nuk e donin këtë, ata nuk donin që ne të shprehnim mbështetjen për Beogradin, duke përfshirë projektin Ballkani i Hapur. Tani është e qartë për të gjithë se Brukseli, NATO dhe BE duan të kthejnë Ballkanin, në projektin e tyre të quajtur Ballkani i Mbyllur”, tha ai.

Më tej Lavrov thotë se BE dëshiron të bëjë një projekt të quajtur “Ballkani i mbyllur”, që sipas tij kjo politikë është e përqendruar në drejtimin anti-rus.

 

Pas