Sport

Jo me tuta, por me kostum. Kombëtarja, Federata organizon mbrëmje gala për nderin e njollosur


Bëhu pjesë e Grupit Zyrtar të Opinion.al
>> KËTU <<
               Publikuar në : 01:00 - 07/11/15 |
b.f

Një nderim ashtu siç u takon dhe jo një delegjitimim me të mbathura dhe përqafime patetike dhe turravrap me barkun bosh sa në një institucion në tjetrin siç ishte pritja gati pa nder pas triumfit në Armeni që u dha kualifikimin historik në Francë 2016.

Më në fund Federata Shqiptare e Futbollit ka vendosur të ndreqë indinjatën që shkaktoi mënyra se si protokolli i shtetit ekspozoi dhe njëkohësisht shpërdoroi imazhin e Kombëtares përballë tifozëve të shumtë që i prisnin në shesh.

Kështu më datë 14 nëntor, sipas burimeve të Opinion.al, pikërisht një ditë pas ndeshjes miqësore me Kosovën në Prishtinë, në Pallatin e Brigadave në Tiranë do të mbahet një mbrëmje e madhe gala, për nder të Kombëtares së Shqipërisë dhe triumfit të saj në eliminatoret e Europianit.

Një mbrëmje ku lojtarët e Kombëtares nuk do të jenë më të veshur me tuta sportive, por me kostume zyrtare, ashtu siç u ka hije. Po kështu të ftuar në mbrëmjen ku numri i pjesëmarrësve mendohet të jenë 500 të tillë, do të jenë edhe ish-futbollistë të Kombëtares ndër vite, ata që shtruan rrugën për të ardhur deri në ditën e madhe.

Ceremoni në të cilën do të jenë të ftuar si rrallëherë bashkiakë nga të gjitha trevat shqiptare në rajon, përkatësisht Shqipëri, Kosovë, Mal i Zi, Maqedoni, si dhe nga Komunat Shqiptare në Serbi, nga Presheva në Vlorë, në shenjë bashkimi,  në atë çka simbolizon sot edhe vetë Kombëtarja e Shqipërisë.

Një tjetër risi që sjell ceremonia gala është prania e të gjithë liderve shqiptarë të rajonit, ku krahas atyre nga Shqipëria dhe Kosova, të ftuar do të jenë edhe lideri i Bashkimit Demokratik për Integrim Ali Ahmeti si edhe përfaqësues të opozitës shqiptare në Maqedoni.

Këto janë të vetmet detajet që dihen për momentin nga mbrëmja, por siç e thamë ajo që është e rendësishme mbetet nderimi dinjitoz që do ti bëhet Kombëtares, duke fshirë ndoshta atë njollë jo të denjë që i ngjit me mbërritjen në Tiranë.

KOMENTO (1)

Shkruaj nje koment

  1. Ate qe eshte shkruar me siper jam shume dakort eshte e thjeshte te shkruash dhe veshtire te realizosh perfekt ate qe ke ne ide por,Nuk eshte shume e veshtire per ta realizuar edhe pse me vonese jam i bindur se festa do te jete shume e . bukur.DHe si asnjehere bashkimi me te gjithe vllezerit SHQIPTARE nga do qe jane per te festuar kete arritje te madhe qe na dhuruan keta djem te mrekullueshemme me ne krye gjithe stafin e ekipit Urimet e mija me te sinqerta kalofshi sa me bukur te gjithe bashke tifoze e ish futbolliste futbolliste zyrtare te te dyja federatave e politikane Me respekt ish futbollist i ekipit kombetar u 19 ne vitin 1979 dhe skuadres te rinjve PARTIZANI
    .

Pas