Kryetari i Partisë Demokratike, Lulzim Basha ka akuzuar përsëri qeverinë “Rama” për çështjen e inceneratorëve, duke deklaruar se 120 milionë euro të buxhetit të ri do të shkojnë për koncesione dhe jo për të ndihmuar qytetarët.
Sipas Bashës, nga 120 milionë eurot, 20 milionë euro do të shkojnë për inceneratorët, për të cilët kryedemokrati thotë se janë një aferë korruptive.
Basha thotë se pavarësisht akuzave të opozitës, SPAK vijon të mos reagojë. Ai i ka bërë thirrje kreut të SPAK, Arben Kraja që të hetojë politikanët dhe jo ti mbrojë ata.
Lideri i opozitës iu drejtua me një pyetje drejtuesit të SPAK, duke i thënë se çfarë e pengon atë që të nis hetimet për inceneratorët.
“Buxheti i ri, 120 milionë euro për koncesione, asnjë lek për të ndihmuar njerëzit. Buxheti 2021 120 milion € për konçesionet, 20 milion € për inceneratorët. Ndërsa shqiptarët debatojnë me të për aferën e inceneratorëve, ai paguan 300 mijë euro incenerayorit të Elbasanit. Në Shqipëri mbizotëron heshtja e SPAK dhe afera e inceneratorëve. SPAK, gojëkyçur pa asnjë veprim në hetim të aferës së inceneratorëve. Z. Kraja, jeni të mbrojtur ndërkombëtarisht për të dënuar politikanët, jo për t’i mbrojtur. Z. Kraja, çfarë ju pengon të hetoni aferën mafioze të inceneratorëve?! Z. Kraja, çfarë ju pengon të hetoni aferën mafioze të inceneratorëve. Z.Kraja dhe të nderuar prokuror, tregojani shqiptarëve: A keni nisur hetimin për këtë aferë?”-tha Basha./ Opinion.al
