Te Fundit

Hetimi i CEZ, mazhoranca nuk fut në rend nismën e PD


Bëhu pjesë e Grupit Zyrtar të Opinion.al
>> KËTU <<
               Publikuar në : 12:21 - 01/10/15 |
b.f

TIRANË- Sot Parlamenti nuk do të diskutojë mbi nismën ligjore të Partisë Demokratike për hetim ndërkombëtar të aferës së CEZ. Gjatë mbledhje se së kryesisë së kryetarëve të majtët rrëzuan kërkesën me argumentin se duhen 84 vota. Edhe pse vendosen të mos futet në Parlament kjo nismë, kreu i grupit të PS, Gramoz Ruçi tha se Partia Socialiste është pro hetimit të CEZ.

“Ne duam hetim të ligjshëm, kushtetutes e gjithëpërfshirës dhe jo selektiv. Siç kërkoni ju (PD). Të hetohet nga A tek ZH. Që nga privatizimi, kur ne ishim kundër”, tha Ruçi. Më tej ai sqaroi se në në konferencën e Kryetarëve maxhoranca nuk kundërshtoi përmbajtjen e kërkesës së PD-së, por kalimin me procedurë të përshpejtuar.

Më herët deputeti i PD, Eduard Halimi tha se projektligji për hetim të CEZ duhet të shkojë me procedurë të përshpejtuar në Parlament.

“Shumica thotë se duhen 84 vota për të kaluar në procedurë të përshpejtuar, por kjo është një alibi pasi ligji kërkon shumicë të thjeshtë prej 71 votash”, u shpreh Halimi.

Ndërkohë një ditë më parë Kryeministri Rama tha se hetimi do të bëhet nga institucione shqiptare dhe jo nga të huajt.

KOMENTO (0)

Shkruaj nje koment

    Pas