Bota

Helmimi i kundërshtarit të Putinit/ NATO mblidhet sot, thirrja për Rusinë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:16 - 04/09/20 |
el ida

Vendet anëtare të NATO-s do të mbajnë sot një takim të veçantë për të diskutuar helmimin e liderit opozitar rus, Alexei Navalny, me një agjent nervor të kategorisë ushtarake.

Aleanca ushtarake perëndimore, prej 30 anëtarësh, pritet që t’i bëjë thirrje zyrtarisht Rusisë për të kryer një hetim të plotë dhe transparent, për ngjarjen.

Më 2 shtator, Gjermania konfirmoi se kritiku i Kremlinit i ishte helmuar me një agjent nervor Noviçok.

Navalny, 44 vjeç, u sëmur gjatë një fluturimi nga Siberia në Moskë më 20 gusht, duke detyruar avionin me të cilin po udhëtonte të bënte një ulje emergjente në Omsk, ku ai kaloi dy ditë në spital para se të evakuohej në Gjermani.

Ai tani po trajtojtohet me respirator dhe është në gjendje kome mjekësore të detyruar në një njësi të kujdesit intensiv në Spitalin “Charite” në Berlin.

Gjermania po kërkon nga partnerët e saj të BE-së dhe NATO-s një reagim të përbashkët kundër Rusisë, pasi kancelarja Angela Merkel e përshkroi rastin e Navalny si një “vrasje në tentativë nga helmimi”.

BE-ja po shqyrton sanksionet e mundshme ndaj Rusisë, ndërsa në Uashington, Këshilli Kombëtar i Sigurisë tha se Shtetet e Bashkuara do të punojnë me aleatët për të gjetur përgjegjësit.

Në Kongres, ligjvënësit i bënë thirrje administratës së presidentit amerikan, Donald Trump të vendosë sanksione ndaj Rusisë./Opinion.al

Pas