Bota

Hard Talk i BBC i dedikohet një personazhi të pazakontë,jeta e Mia Khalifa


Bëhu pjesë e Grupit Zyrtar të Opinion.al
>> KËTU <<
               Publikuar në : 20:05 - 30/08/19 |
xhu lia

Ish-aktorja e filmave për të rritur Mia Khalifa ka dhënë një intervistë për BBC në emisionin “HardTalk” ku ka folur për eksperiencën e saj në  industrinë së filmave për të rritur.

Ajo nisi të tregoi fillesat e gjithçkaje që në fëmijëri dhe se çfarë e shtyu të ishte pjesë e kësaj industrie. Mia  ka qenë  një vajzë të cilën prindërit e sollën nga Libani për në SHBA, ku u arsimua, në një universitet në Teksas  përpara se të përfshihej në këtë industri.

“Nuk mendoj se vlerësimi i pakët për veten diskriminon dikë, nuk ka rëndësi nëse ti vjen nga një familje e mirë apo vjen nga një e shkuar jo shumë e mirë. Kam vuajtur gjatë gjithë fëmijërisë time me peshën trupore dhe nuk jam ndjerë kurrë tërheqëse apo me vlerë për interesin mashkullor dhe krejt papritur në vitin e parë të gjimnazit nisa të humb peshë. Humbja e peshës më ndryshoi shumë, dhe pasiguria ime më e madhe ishte pikërisht gjoksi, kështu që doja pak a shumë që ai të kthehej siç ishte, dhe kur ndodhi mora vëmendjen e meshkujve në një mënyrë që nuk e kisha më parë dhe nuk isha mësuar me të. Pasi ti e ndjen të gjithë atë vëmendje, të gjithë komplimentet për herë të parë nuk do që e  gjithë kjo të largohet,”-u shpreh Mia Khalifa gjatë intervistës.

Më pas ajo ka vijuar rrëfimin e saj duke treguar si nisi përfshirja e saj në industrinë e filmave për të rritur:

“Nuk ishte thjesht ‘hey do të hysh në biznesin e filmave për të rritur, ishte më shumë që ‘ti je e bukur, a do të vish të bësh modeling…mendoj se ke një trup shumë të bukur do të ishe një modele fantastike nudoje’ dhe gjëra të tilla. Më pas pasi hyra në studio gjithçka ishte mjaft e respektueshme. Ishte në vende të mrekullueshme si Miami, Doral apo Florida. Ishte e pastër. Të gjithë ata që punonin aty ishin shumë të sjellshëm. Vendet e punës ishin të dekoruara me foto të familjeve të tyre dhe nuk kishte asgjë që më bëri të ndihem jo rehat. Herën e parë që shkova nuk ishte hera e parë që xhirova një film të tillë, ndodhi herën e dytë. Herën e parë ishte më shumë nëse kisha dëshirë të bëjë diçka të tillë si dhe firmosje dokumentesh.”

Në vijim ajo theksoi se ata e shikonin vetëm si një makineri për të bërë para dhe ishte e vogël për të patur një avokat, pasi gjithçka nisi kur ishte 21-vjeç.

26-vjeçarja, e cila tashmë e ka lënë aktrimin në këtë industri tregon sesi ndihet ditët e sotme, kur has vështrimet e njerëzve në rrugë. Ajo nuk ka asnjë të drejtë të fshijë pamjet apo filmat ku ka marrë pjesë dhe kjo e bën të ndihet se ka humbur të  drejtën e privatësisë së saj.

“Diçka e tillë vret më shumë kur dal në publik, sepse shikimet nga që marr, ndjej që njerëzit mund të shohin përtej rrobave të mia dhe kjo më sjell shumë turp. Më bën të mendoj që kam humbur të drejtën e privatësisë time, të cilën e kam humbur sepse jam vetëm një kërkim “Google’ larg.”

Gjatë intervistës gazetari i BBC i kujtoi ish-aktores së filmave për të rritur kur ka xhiruar një skenë të tillë me një veshje islamike, duke theksuar se ajo duhet të dinte se diçka e tillë do të shkaktonte shumë reagime.

“I kam thënë në mënyrë të drejtpërdrëjtë: Ju do bëni që të më vrasin dhe ata thjesht qeshën. Kisha frikë t’u thoja që nuk doja t’a bëja atë skenë.  Ata nuk ushtronin forcë që unë t’a realizoja pasi ashtu do të ishte përdhunim dhe askush nuk të detyron dot të bësh marrëdhënie seksuale kur nuk do, por sërish kisha frikë. E ke ndjerë ndonjëherë frikën ose më saktë ankthin kur je në një restorant dhe ushqimi nuk është i mirë dhe kamerieri të pyet sesi është gjithçka, unë isha e frikësuar dhe nervoze,”-përfundoi ajo.

Ndonëse në fillim e kishte të vështirë Mia mendon se ka bërë diçka pozitive që ka nisur të flasë për eksperiencën e saj, pasi shumë njerëz të tjerë ndihen si ajo:

“Të lexosh fjalët e disa prej këtyre vajzave të cilat janë futur me forcë në këtë industri dhe historitë e të gjithë këtyre vajzave që jeta u është shkatërruar nga meshkuj që kanë përfituar nga ato dhe nga kontrata të cilat ato nuk i kuptonin më bëri të mendoj që ndoshta është mirë që nisa të sepse njerëz të tjerë ndihen njësoj, sa i përket presionit të të bërit diçka që nuk duan t’a bëjnë,”-ka përfunduar ish-aktorja./Opinion.al/

Pas