Kronikë

Grabitja në Fushë-Milot, e moshuara rrëfen si ndodhi ngjarja: Mos u tremb


               Publikuar në : 09:21 - 20/11/19 |
Opi Nion

Të tjera detaje janë zbuluar në lidhje me grabitjen e ndodhur dje në Fushë-Milot, ku tre persona kanë shkuar në banesën e Taf Shabanit, duke vjedhur një shumë të konsiderueshme parash.

Në momentin e grabitjes, në banesë ka qenë vetëm zonja e shtëpisë e cila është e moshuar, ajo ka rrëfyer të gjithë skenën e vjedhjes të ndodhur në banesën e saj.

Hume Shabani rrëfen se një nga grabitësit ka hequr maskën dhe i ka thënë asaj që mos të trembet, por për shkak të problemeve me shikimin nuk ka arritur ta identifikoj. Po ashtu, sipas një prej grabitësve shikonte jashtë banesës që mos të vinte njeri në momentin që ata po kryenin aktin.

E moshuar rrëfen se autorët nuk e kanë dhunuar, ndërsa shton se kur ka tentuar të njoftonte policinë, ata i kanë marrë telefonin. Sipas saj, tre grabitësit e kanë pyetur se ku ndodhej djali i tyre dhe nëse kishte armë në banesë.

Ajo  ka thënë se në kasafortë ishin lekët e të gjithë fëmijëve, të cilët prej 30 vitesh punonin si emigrantë. Hume Shabani tha se autorët kishin hapur kasafortën me gur freksibël. Djali i të moshuarve i quajtur, Xhevair Shabani ndodhet në burg në Itali.

“Ka ndenjur burri me vajzën ca kohë në Tiranë, ajo ka punuar dhe i ka futur eurot këtu me i ruajt e shkreta. Kalamajtë kanë 30 vjet andej që punojnë. Ishin 3 veta. Unë u thash si vini pa një kryetar komune apo dhe me një operativ zone. I thash se ku e gjetët shtëpinë time?!Ishin të maskuar. Njëri prej tyre, ishte i vogël, e hoqi maskën dhe tha; ‘mos u tremb’. Por jam operuara dhe nuk shoh mirë. Ai e vuri prapë maskën. Njëri ruante që nga rruga. Kishin parë gur freksibël. U thash; “a jeni diversant? Si e prekni gjënë e juaj”. Ishte ora rreth 17:00. Plaku ishte duke pirë kafe me një bashkëfshatar. Kur e kuptova se ishin hajdutë doja të merrja policinë në telefon, por nuk më lanë. Ma morën celularin. Më thoshin; ku e ke djalin? Ka dalë djali nga burgu? ku ke armë? Ka lënë djali armë? Më pas e kuptova. Ata ikën dhe morën të gjitha. Më pas dola poshtë dhe njoftova plakun. Plaku desh vdiq. Policia erdhi më pas. Djali është në burg (ne burg ne Itali). Se di për çfarë e morën. Xhevair Shabani e ka emrin djali im. Po bën gati 1 vite e gjysmë ne burg”, rrëfeu e tronditur nëna./ Opinion.al

Pas