Një përplasje verbale ka shoqëruar diskutimet mes gazetarit osman Stafa dhe analistit Baton Haxhiu në studion e “Opinion”.
Duke folur për protestën dhe situatën ekonomike e sociale në Shqipëri, gazetari Stafa e cilësoi Haxhiun gjithashtu përgjegjës për situatën në vend.
Ndërkohë, analisti Haxhiu tha se ai kishte dhënë kontribut për Shqipërinë dhe Kosovën, aq sa Stafa nuk do të mundte t’I jepte në 200 vite.
Debati:
Stafa: Je përgjegjës për situatën politike në Shqipëri. Edhe një protestë të tillë tentoni ta bëni pis.
Haxhiu: Kush?
Stafa: Juve .
Haxhiu: Me çka?
Stafa: Me media, na nxirrni antiamerikan, antizhvillimor.
Haxhiu: Nuk mund të bisedoj me njerëz që flasin parrulla. Kur i drejtohesh dikujt për fajësi apo pafajësi, nuk e di kush jam unë. Ti edhe 200 vjet jetë me I pas as afërsisht nuk mundesh me kontribu për këtë vend dhe për atë tjetrin, aq sa unë kam kontribuar.
Stafa: Ti ke folur kundër realitetit të shqiptarëve, si në Kosovë, si këtu.
Haxhiu: Ti mbaj atë bindje. Nuk ndryshohet Shqipëria me parrulla. E vërteta e Shqipërisë është që ne e kemi një problem serioz me një model autokrat që e kemi përkrahur vetë, për një arsye të vetme, sepse nuk kemi patur alternativë.
