Analisti Baton Haxhiu ka komentuar këtë mbrëmje në “Opinion” protestën qytetare që po zhvillohet në kryeqytet prej 11 ditësh.
Haxhiu tha se është puzzle arsyesh që i kanë nxjerrë qytetarët në protestë, ndërsa u shpreh gjithashti se fjalimet aty janë për të ardhur keq.
“Fjalimet janë për të ardhur keq. Edhe kur e ke boshtin e pakënaqësive e artikulon jo me mlllef. Arsyeja kryesore pse duhet protesta dhe pse duhet që njerëzit të dalin në protestë është vrasja e heshtjes dhe vrasja e frikës”, tha Haxhiu.
Duke ju përgjigjur pankartës që solli në studio gazetari Osman Stafa “Pse të rinjë largohen nga Shqipëria”, Haxhiu vijoi: “Një puzzle pakënaqësish. Një palë dalin për Zvërnecin, të tjerët kundër Berishës, natyrshëm kundër Berishës, të tjerë kundër Ramës, natyrshëm kundër Ramës. Një palë tjetër kundër Kushnerit, një palë kundër Trumpit, ca kundër sistemit, se s’ka të ardhme, për universitetin, për administratën. Por në rregull u mblodhën këta burra, na thoni çfarë kërkoni”!.
