Kryesore

Gjykata shpall të pafajshëm Agim Kajmakun, çfarë paralajmëroi Berisha


               Publikuar në : 19:36 - 17/09/19 |
Opi Nion

Pak ditë më parë Parti Demokratike hodhi akuza në drejtim të kryebashkiakut të Vorës, Agim Kajmaku, duke u shprehur se ai ka probleme me drejtësinë greke dhe këtë gjë ai nuk e ka shkruar në formularin e dekriminalizimit.

Ndërkohë, mësohet se Gjykata e Janinës e ka shpallur të pafajshëm Agim Kajmakun, ose i  njohur ndryshe në Greqi si Jorgo Toto duke e liruar atë nga çdo akuzë.

Por, pavarësisht vendimit të gjykatës greke, Kajmaku ka përsëri probleme në Shqipëri, pasi ai nuk kishte zbardhur problemet me drejtësinë helene, duke shkelur kështu ligjin e dekriminalizimit.

Vendimi për Kajmakun u dha nga gjykatësja Kristina Andoniun pranoi se i akuzuari nuk mund të fabrikonte paratë për të cilat Kajmaku u akuzua më 13 janar të vitit 2003.

Vendimi për pafajësinë e Kajmakut është dhënë nga gjykata e Janinës. Seanca për Kajmakun është zhvilluar më 12 shtator 2019, ku Kajmaku është përfaqësua nga avokatët e tij. Pas shqyrtimit të dosjes, gjykata ka vendosur se Jorgo Toto (Agim Kajmaku) është i pafajshëm.

Gjykatësja Kristina Andoniu pranoi se i akuzuari nuk mund të fabrikonte paratë e përdorura gjatë transaksionit dhe mundësitë e tij për të kryer këtë gjë ishin zero. Po ashtu gjykata pranoi edhe qëndrimin e mbrojtjes se transaksionet e parave në vendin tonë shpesh kryhen në rrugë dhe jo brenda bankave ç’ka shton ndjeshëm rrezikun  e marrjes së parave false në një transaksion të ngjashëm nëse kryhet prej personave jo ekspertë të fushës.

Ndërsa avokati i Jorgo Totos, (Agim Kajmaku) sqaroi se për shkak të njohjes jo të mirë të gjuhës greke, kuptoi se procesi ndaj tij kishte mbaruar me lirimin e tij me janar të 2003 ndaj dhe nuk kishte informacion se duhet të paraqitej sërish në procesin ndaj tij pak muaj më vonë.

Duket se më këtë vendim, Kajmaku e i mbylli problemet me drejtësinë greke. Nga ana tjetër, Partia Demokratike është shprehur se Kajmaku ka qenë në kërkim nga drejtësia greke dhe se për të është dhënë një urdhër-arresti.

Shpallja e pafajsisë së Agim Kajmakut u paralajmërua 10 ditë më parë nga ish-kryeministri Sali Berisha, i cili përmes një postimi në rrjetet sociale publikoi një mesazh të qytetarit ku thuhej se po bëhet një tentativë për të blerë dhe korruptuar Gjykatën e Janinën në Greqi.

Sipas këtij denonicmi në këtë aferë është përfshirë kryeministri Rama dhe Kryetari i Kuvendit, Gramos Ruçi, i cili ka dërguar para për mbylljen e çështjes së krybashkikakut të Vorës.

Postimi i Berishës

Edvin Mafia dhe Jorgo Kajmaku dergojne Ruçin me shuma te medha ne Janine per te mbyllur ceshtjen Tora!

Keto jane akuzat e fundit te qytetarit dixhital!

Lexoni mesazhin e tij. sb

Pershendetje dr uroje te jeni mire.Burime konfidenciale nga Janina me treguan se po zhvillohet nje loje e piset per shpetuar Ramen per rastin Kajmaku. Nje burim prane gjykates se Janines ben te ditur, duke ruajtur anonimatin, se jane paguar shuma shume te medha parash ne nivelet me te larta te Gjykates se Janines per te nxjerre te ‘pafajshem’ Kajmakun. Eshte investuar vete Rama dhe ka derguar Gramoz Rucin ne emrin e tij per te mbyllur kete pazar. Data e gjygjit mendohet te jete dita e Marte, date 10 Shtator./ Opinion.al E.Xh.

Pas