Te Fundit

Gazeta Dita i hap ‘dosjet’ Tom Doshit


Bëhu pjesë e Grupit Zyrtar të Opinion.al
>> KËTU <<
               Publikuar në : 12:32 - 02/10/15 |
b.f

TIRANË- Gazeta ‘Dita’ vazhdon të investohet fort në sulmet ndaj Tom Doshit dhe Dritan Priftit që kur këta të dy u atakuan hapur nga LSI si personat që rihapën çështjen e CEZ për të goditur Ilir Metën. Në numrin e sotëm, gazeta radikale pranë së majtës nxjerr faksimile të gjykatës e cila në 1990 e ka dënuar Doshin me mbiemër ‘Dashi’ me një vit burg për plagosje. Kjo faksmile botohet vetëm pak ditë pasi deputeti i Shkodrës akuzoi publikisht Spartak Brahon e LSI-së se ka vrarë një ushtar 18 vjeçar në kohën e komunizmit.
Keshtu gazeta Dita shkruan se “vendimi mban numrin 18 dhe është i datës 25 maj 1990. Ngjarja ku është përfshirë Doshi është një plagosje e rëndë me thikë”. Po sipas Ditës, Doshi dhe tre shokë të tij, të katërt ushtarë në atë kohë, janë konfliktuar me një grup të rinjsh durrsakë, ndaj të cilëve është qëlluar më thikë, me pasojë dy të plagosur rëndë. Gjyqi në përfundim ka dënuar Ymer Lalën me 5 vjet heqje lirie, Tom Doshin me 1 vit, Amir Bushatin me 7 muaj burg.
“Edhe në vendimin e Gjykatës, edhe në listën e të burgosurve, Doshi rezulton me emrin Tom Dashi”, shkruan Dita. Ende nuk ka një reagim të deputetit socialist, Tom Doshi për këto dokumente që boton Dita si dhe vërtetësinë e tyre.

 

faksimile numer 1_0

dokumenti qe boton Dita

KOMENTO (0)

Shkruaj nje koment

    Pas