Aktualitet

Flet historiani Kastriot Dervishi: Ja si e përdhunoi Feçor Shehu shtetasen polake


Bëhu pjesë e Grupit Zyrtar të Opinion.al
>> KËTU <<
               Publikuar në : 01:30 - 01/12/15 |
root

Historiani Kastriot Dervishi ka sjellë një libër, me titullin “Kampet dhe burgjet e komunizmit”.

Duke komentuar librin, Dervishi tregon përdhunimin e një shtetase polake nga ana e Feçor Shehut.

“Më ka bërë përshtypje historia e polakes me emrin Barbara. Në moshën 18­vjeçare, në vitin 1960, ajo vjen në Durrës së bashku me bashkëshortin e saj, me të cilin pati studiuar në Poloni. Në vitin 1964, vihet nën presionet e Degës së Brendshme të Durrësit, drejtuesi i së cilës e ka përdhunuar. Në vitin 1966 ajo njofton Ambasadën e Polonisë përsa i kishte ndodhur. Në vitin 1969, arrestohet dhe dënohet me 17 vite burg. Pasi vuan 3 vjet e katër muaj në Kuçovë, shkon në Durrës. Bashkëshorti i parë e kishte braktisur. Në këto kushte pranon një martesë të dytë, ndërsa punon me tri turne në plastikën e Durrësit.

Në vitin 1973 i bën një letër Enver Hoxhës për jetën e saj. Në raportin përmbledhës në lidhje me këtë letër, thuhet: ‘Pretendon se në tetor të vitit 1965, kryetari i Degës së Punëve të Brendshme, K.N., e merr me Gaz dhe bashkërisht shkojnë në një vilë në plazhin e Durrësit, ku do të vinin për takim me të dërguar nga Ministria e Brendshme. Tha se me të hyrë në vilë, ku nuk kish asnjë njeri, K.N. kyçi derën, vendosi pistoletën mbi tryezë dhe gjysmë i zhveshur tentoi ta nënshtronte, por ajo u mbrojt. U paralajmërua prej tij të mos i thoshte kurrkujt për këtë ngjarje’. Por, po ashtu, në këtë histori përfshihet edhe emri i Feçor Shehut, të cilin një kuadro tjetër e akuzonte për stilin e punës, imoralitetin e tij si dhe për një përdhunim që kishte kryer ndaj Barbaras. Për këtë kuadër, Feçori ishte ‘feminist, se i lyente flokët si gratë’”, thotë Dervishi për Panorama.

Prej javësh në debatin publik flitet për përdhunimet në kohën e regjimit komunist, ndërsa Dervishi thotë se në vitin 1955, SHBA denoncoi në OKB raste konkrete të dhunës seksuale ndaj grave të dënuara në Shqipëri.

KOMENTO (0)

Shkruaj nje koment

    Pas