Politikë

Dokumenti për reformën zgjedhore, mungon firma e Rudina Hajdarit


               Publikuar në : 14:32 - 14/01/20 |
Geljano Fataj

Rudina Hajdari, e cila përfaqësonte opozitën parlamentare në takimin e sotëm për reformën zgjedhore nuk e ka firmosur dokumentin për të cilin është rënë dakord nga palët e tjera.

Në dokument janë firmat e tre përfaqësuesve, Oerd Bylykbashit dhe Petrit Vasilit nga opozita jo parlamentare dhe firma e socialistit Damian Gjiknuri. Zonja hajdari mësohet se ka rënë dakord në parim, por nuk e ka firmosur këtë dokument.

Pas takimit ajo do të deklaronte për mediat: “Besoj se prezenca e PD dhe LSI në këtë tryezë tregon se kanë pranuar që rruga e duhur për të zgjidhur problemet është rruga institucionale, dhe jo e protestave e molotovëve që dëmtojnë Shqipërinë. Besoj se pranuan që rruga që do t’i jepte zgjidhje krizës politike është duke ardhur me ide dhe plane konkrete, të cilat i diskutuam sot. Kjo do të kërkojë konsensus nga të gjitha palët, por unë dua të theksoj se vullneti i opozitës brenda parlamentit do të vazhdojë sa i takon ndryshimit të sistemit. Shqiptarët kanë nevojë që t’i kthehet sovraniteti në parlament. Shqiptarët të kenë një kod dhe jë sistem zgjedhor që i jep atyre të drejtën e lirë për të pasur një përfaqësim dinjitoz në parlament. Unë do luftoj deri në fund për këtë qëllim. Zgjodhëm rrugën e duhur, atë të institucioneve“./ Opinion.al

LEXO EDHE- Jo ndryshim sistemi/ Marrëveshja e arritur mes palëve për “zgjedhoren” 

Pas