Aktualitet

Diskutimet për reformën, çfarë propozon PD për qeverinë kujdestare


Bëhu pjesë e Grupit Zyrtar të Opinion.al
>> KËTU <<
               Publikuar në : 20:48 - 31/05/20 |
Opi Nion

Këshilli Politik për Reformën Zgjedhore është mbledhur këtë të dielë në orën 19:00, në atë që është cilësuar si data e fundit e saj. Palët nuk po gjejnë ende dakordësi sa i takon çështjes së identifikimit biometrik të votuesve, depolitizimit të administratës zgjedhore si dhe ndryshimit të sistemit zgjedhor.

Megjithatë në  mbledhjen e sotme, sikurse bëjnë me dije burime pranë Partisë Demokratike do të jetë në tryezën e bisedimeve edhe çështja e qeverisë kujdestare, një pikë për të cilën PD ka thënë edhe më herët se do të mbetet e pandryshueshme. Sipas të njëjtave burime: opozita i ka dorëzuar që mbrëmë propozimet për garancitë e votës në zgjedhje, duke e çuar deri në fund pjesën e angazhimit të saj me reformën zgjedhore. Pjesë e këtyre propozimeve janë edhe qeveria kujdestare për zgjedhjet dhe roli i gjykatës kushtetuese. Sipas Propozimit të Partisë Demokratike:

100 ditë përpara ditës së zgjedhjeve parlamentare, Kuvendi i Shqipërisë, miraton përbërjen e Qeverisë Kujdestare të Zgjedhjeve, e cila pas betimit përpara Presidentit të Republikës, fillon ushtrimin e detyrës për të garantuar standardet për zgjedhje të lira dhe të ndershme, me funksion të posaçëm ndalimin e përdorimit të burimeve publike në mbështetje të subjekteve zgjedhore. Ky rregull zbatohet deri në hyrjen në fuqi të marrëveshjes për anëtarësimin e Republikës së Shqipërisë në Bashkimin Europian.

  1. Qeveria Kujdestare e Zgjedhjeve ka për detyrë:
  2. të sigurojë asnjanësi dhe paanshmëri të institucioneve të administratës publike në procesin zgjedhor;
  3. të sigurojë barazinë e trajtimit midis kandidatëve dhe partive të ndryshme në lidhje me burimet administrative;
  4. të sigurojë barazi ndërmjet të gjithë subjekteve zgjedhore, duke mbrojtur nga keqpërdorimi i mundshëm i burimeve administrative për qëllime politike.

Diskutimi i këtyre çështjeve ende nuk ka nisur, por është e rëndësishme që të gjitha çështjet janë mbi tavolinën e bisedimeve, thonë buimet.

Është ende e paqartë  përse PD ka zgjedhur momentin e fundit të bisedmeve për të parashtruar një çështje si kjo dhe nëse palët do të kenë fizikisht kohën e mjaftueshme për të konkluduar në të gjitha cështjet e mbetura pezull brenda ditës së sotme. Kujtojmë zvarritjen e tryezës dhe mungesësn e konsensusit për një kohë relativisht të gjatë dhe për çështje në parim jo kaq thelbësore./Opinion.al

 

Pas