Aktualitet

Diskutimet në grup, Basha: S’kam ndër mend të shkrij PD për interesat e Berishës


Bëhu pjesë e Grupit Zyrtar të Opinion.al
>> KËTU <<
               Publikuar në : 17:45 - 18/10/21 |
el ida

Lulzim Basha duket I vendosur në vendimin e tij për largimin e Sali Berishës nga grupi parlamentar.

Opinion.al ka zbardhur diskutimet në mbledhjen e grupit të Partisë Demokratike ku Basha ka theksuar se nuk ka ndër mend të largohet nga drejtimi i partisë.

Sipas këtyre diskutimeve mësohet se Basha të jetë shprehur që statuti i partisë i jep të drejtë lidhur me largimin e Sali Berishës nga grupi parlamentar.

Deputetja Flutura Açka është shprehur: Më pyesin nëse jam me Bashën apo Berishën.

Ndër të tjera, Basha ka thënë: “Nuk ka votim për çështje që bien ndesh me DASH. S’kam ndër mend të shkrij PD për interesat e Berishës. Pa mbështetjen e SHBA-së PD do të shkrihej.Berisha do të bunkierizojë PD për interesat e tij ”

“Vota e anëtarësisë  së Partisë Denmokratike me obligon mua, forumet, të zgjedhurit dhe gjithë anëtarët e PD-së të qëndrojmë në këtë orjentim, ta mbrojmë atë.Po lëshuam këtë busull nuk jemi më Partia Demokratike. Kam shprehur disa herë dhe shpreh përsëri keqardhjen time për shpalljen non gratta të Sali Berishës. Kam mbështetur e mbështes përpjekjet e tij për transparencë e drejtësi. Për fat te keq ai po kërkon ta lidhë shpalljen e tij non gratta me fatin e Partisë Demokratike. Në një anë ai po  thotë nuk do të votojmë vendimin e qeverise amerikane për shpalljen e tij non gratta. Nga ana tjetër po  kërkon të votojë vendimin e Lulzim Bashës  që është marrë në respekt të vendimit të SHBA.  A nuk nuk është e njëjta gjë në aspektin e pasojave politike për PD? Përtej tymnajave, plani i tij, nëse do të flitej për një plan, është shndërrimi i Partisë Demokratike në një bunker antiamerikan për interesin e tij.  Kjo është pa asnjë perspektivë qoftë për PD, qoftë për vetë Berishën. Dhe askush me një fije përgjegjësie ndaj sakrificës së demokratëve, duke nisur nga unë i pari nuk mund dhe nuk do ta pranojmë këtë.”-ka thënë Basha./Opinion.al

./Opinion.al

Pas