Bota

Belgjikë/Shembet godina e shkollës në ndërtim, humbasin jetën 5 punëtorë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:51 - 20/06/21 |
Opi Nion

Pesë punëtorë u gjetën të vdekur të Shtunën, një ditë pas shembjes së pjesshme të një godine shkollore në ndërtim në qytetin belg të Antëerpen.

Trupat e dy ndërtuesve, të cilët fillimisht u raportuan të zhdukur, u tërhoqën nga rrënojat pasdite, thanë zjarrfikësit e Antëerpit, ndërsa shtuan se të viktimat ishin lokalizuar.

Mbreti belg Philip dhe Kryeministri Alexandre de Croes vizituan dje vendin e aksidentit.

Midis pesë viktimave, një ishte nga Portugalia dhe një tjetër nga Rumania,  tha policia, ndërsa kombësitë e punëtorëve të tjerë të vdekur nuk u identifikuan.

Ndërtuesit po punonin për një nënkontraktor të ndërmarrjes së ndërtimit Democo, sipas agjencisë së lajmeve Belge.

“Tani që shërbimet e urgjencës kanë bërë gjithçka që munden, një hetim i plotë do të fillojë për të përcaktuar shkaqet e aksidentit”, tha Frederic Biznen, CEO i Democo.

Nëntë persona u plagosën në aksidentin që ndodhi të Premten pasdite, tre prej të cilëve po trajtohen në njësitë e kujdesit intensiv, por shëndeti i tyre nuk është në gjendje kritike, tha shërbimi i zjarrfikësve në një tuit.

Meqenëse ndërtesa e shkollës është ende në ndërtim e sipër, nuk kishte asnjë nxënës të pranishëm në vendin e ngjarjes në kohën e aksidentit./Opinion.al

Pas