Politikë

Basha: Rama i ka bërë llogaritë gabim, nuk ka forcë që ndalon rotacionin


Bëhu pjesë e Grupit Zyrtar të Opinion.al
>> KËTU <<
               Publikuar në : 15:00 - 18/02/20 |
el ida

Në përfundim të takimit me aleatët e tij, kreu i Partisë Demokratike, Lulzim Basha tha se mazhoranca po tenton të kapë Gjykatën Kushtetuese me anë të një grushti shteti të pastër institucional, i cili nuk bëhet me ushtri dhe tanke, por me shërbëtor të bindur në organet e reja të drejtësisë.

“Presidenti i Republikës më ka njohur me të tjera fakte dhe prova tronditëse të përfshirjes së personave të mazhorancës në Gjykatën Kushtetuese. Kapja e Kushtetueses është objektiv i Ramës. Atij i duhet për të mbrojtur kriminelët dhe për të mbrojtur pushtetin e paligjshëm. Ky është një grusht i pastër institucional shteti. Nuk bëhet me ushtri dhe tanke, por me shërbëtor të bindur në organet e reja të drejtësisë. Kemi diskutuar për këtë dhe të tjera për hapa të maxhorancës, që bëhen për të rrezikuar të drejtat e shqiptarëve. Ne kemi papajtueshmëri të plotë. Do të marrim çdo vendim si opozitë. I bëj thirrje çdo qytetari që do marrim hapa ta tillë, se do të ndeshen me bashkim më të madh dhe rezistencën e qytetarëve (mazhoranca).”, tha Basha.

Po ashtu, Lulzim Basha tha se nuk nuk do ketë forcë mbi tokë, të ndalë rotacionin dhe ardhjen e opozitës në pushtet. Sipas tij, Rama i ka bërë llogaritë gabim pasi rotacioni është i pashmangshëm.

“Për ne ky parlament është shpërndarë në 18 shkurt, cdo ligj i ndërrmarrë nga një maxhorancë ilegjitime, është nul i pavlefshëm. Njerëzit presin zgjidhje, dhe kjo nuk vjen me kalkuime, rotacioni është i pashmangshëm. Beteja e Ramës është të fusë rrugën e rotacionit në labirinte që ta zgjasë sa më shumë atë, por nuk do ketë forcë mbi tokë, të ndalë rotacionin dhe ardhjen e opozitës në pushtet.

Detyra jonë të angazhojmë qytetarët, në disa rafshe. Rafshi i parë, është t’i dëgjojmë ata. 1 në 2 shqiptarë sot është nën kërcënimin e urisë kronike. Siguria publike është përtokë, Krye KÇK është Rama dhe qeveria e tij dhe nga ana tjetër të shtyjmë para procesin me partnerët perëndimorë. Ka një opozitë të bashkuar, që sot është maxhoranca morale, dhe këtu nuk do të lejojmë asnjë forcë, sado e motivuar të jetë, sic është krimi i organizuar, oligarkët apo kreu i qeverisë që i ka ulur në sofër, kjo është sot kontradikta.

Po jua them qartë, do të vijojmë bashkëbisedimin më pas do shpalosim ofertën tonë, por nuk ka forcë mbi këtë dhe, që do të ndalë rotacionin. Rama i ka bërë llogaritë gabim, ia kam thënë këtë edhe para një muaji. Duhet që kjo të vijë pa kosto për shqiptarët, boll kanë paguar, por bashkimi ynë do të jetë i madh i pandalshëm. Rotacioni është i pashmangshëm.” u shpreh Basha./Opinion.al

Pas