Kryesore

Basha publikon videon biznesmenit: Plani ynë ndihmon çdo shqiptar


Bëhu pjesë e Grupit Zyrtar të Opinion.al
>> KËTU <<
               Publikuar në : 09:19 - 17/10/20 |
Opi Nion

Mëngjesin e sotëm kryetari i Partisë Demokratike, Lulzim Basha ka publikuar në “Facebook”, rastin e një biznesmeni i cili shpreh  pakënaqësitë e tij në lidhje me politikat e ndjekura nga qeveria për biznesin e vogël.

Bardhi Leka është pronar i një furre buke në Kombinat të Tiranës, ai deklaron se që nga viti 2015 xhiroja i ka rënë në mënyrë drastike, ndërsa thekson se në vitin 2018 shteti e ka futur në skemën e TVSH-së, gjë e cila ka dëmtuar biznesin e tij.

“Unë quhem Bardhi Leka. Kam hapur një biznes furrë buke që në vitin 2012. Filloi duke rënë puna në 2014-2015, filloi duke ra puna gjithë. Pastaj na futën dhe këtë skemën tjetër që prisni kuponat se nuk ka problem deri në, ta kaloni 20 milion lekëshin e vjetër që nuk ka problem. Ne e premë dhe na futën në skemën e TVSH-së pastaj. Në 2018-ën, në prill të 2018-ës, na futën në skemën e TVSH-së. Aty pastaj filluan dhe ranë të gjitha gjërat përtokë. Erdhi këtu i pari, erdhën këtu të gjithë tatimet, ke kalu këtë, ke kalu atë. Na futën me TVSH. Këtu tani është vetëm për mbijetesë o zotëri. Vetëm këtu po ta shikosh, te ekonomisti, se sa shkon kostoja. 600 mijë lekë i jap ekonomistit veç në vit, veç për këtë punë, se më bën bilancin muaj për muaj. Muaj për muaj është i detyruar ta bëjë. 40 mijë lekë TVSH në muaj, prap kosto shkon shumë rëndë. Drejt falimentimit!”

Ndërkohë, krahas videos, Basha shkruan “njerëzit kanë nevojë për mbështetje sot! Plani ynë ndihmon çdo shqiptar në vështirësi. Koha nuk pret!”/ Opinion.al

Pas