Kronikë

Emri/ Ekzekutohet me armë biznesmeni në Himarë, plagoset motra e tij


Bëhu pjesë e Grupit Zyrtar të Opinion.al
>> KËTU <<
               Publikuar në : 09:22 - 17/10/20 |
Opi Nion

Një ngjarje e rëndë është regjistruar mëngjesin e sotëm në Himarë. Mësohet se një është vrarë me armë zjarri, ndërsa një tjetër është plagosur.  Sipas informacioneve, viktima është biznesmeni Niko Goro, 51-vjeç i cili është qëlluar me pesë plumba teksa ishte nën shoqërinë e së motrës së ti, e cila ka mbetur e plagosur në këmbë.

Ngjarja ka ndodhur vetëm rreth orës 09:00 pranë një supërmarketi, ndërsa deri më tani nuk dihen ende shkaqet e kësaj ngjarjeje të rëndë.

Ndërkohë, policia e Himarës kanë marrë në pyetje disa persona që kanë qenë dëshmitarë të ngjarjes, teksa janë sekuestruar kamerat e sigurisë së bizneseve të zonës, që mund të kenë fiksuar momentet e ngjarjes dhe lëvizjet e autorit.

Pista paraprake e hetimit është ajo e ndonjë konflikti të mundshëm pronësie, për shkak të aktiviteteve të biznesmenit Goro në fushën e ndërtimit. 51-vjeçari Niko Goro ishte një sipërmarrës i njohur në Himarë, pasi kishte në pronësi disa biznese.

Njoftimi i Policisë

Më datë 17.10.2020, rreth orës 08.55 minuta në vendin e quajtur rrethrrotullimi që të çon në lagjen Spille, Himarë, nga një person ende i pa identifikuar është vrarë me armë zjarri shtetasi N.G, 51 vjeç. Si pasojë është plagosur lehtë në këmbë edhe shtetasja E. Q., 57 vjeçe, jashtë rrezikut për jetën.

Shërbimet e Policisë kanë shkuar menjëherë në vendngjarje, janë ngritur pika kontrolli në aksin rrugor Himarë – Borsh e Himarë – Vlorë dhe vijon krehja e zonës.

Në ndihmë të Policisë Vendore janë nisur forcat Operacionale dhe Shqiponjat e DVP Vlorë.

Në vendngjarje ka shkuar grupi hetimor dhe nën drejtimin e Prokurorisë po vijon puna për zbardhjen e rrethanave të ngjarjes, identifikimin dhe kapjen e autorit/ve / Opinion.al

Pas