Kreu i PD-së Lulzim Basha ka folur mëngjesin e sotëm për librin e tij ‘’Misioni im’’ për të cilin tha se ka marrë shumë vlerësime pozitive.
Basha u shpreh në një intervistë në news 24 se nga vlerësimet e qytetarëve dhe shkrimtarëve sheh një etje të shoqërisë për normalitet.
Kreu i PD shprehet se në këtë libër politikën e konsideron mision dhe jo instrument për të goditur kundërshtarin.
“Do ishte botuar më përpara, nëse do ta kisha në dorë kohën time që okupohet nga aktiviteti i PD dhe fushata, nëse koha do ta kishte mundësuar, ndoshta në dhjetor ishte botuar. Është reflektim që rrallëherë mund ta bëjmë në studio, për fat të keq aty dominon e përditshmja, s’ka shumë vend për refleksion, që do i ndihmonte debatit, njohjes së problemeve, qytetarëve.
Në këtë libër jam përpjekur të jap mendimin tim të kahershëm për politikën, nga dita e parë se kam parë si profesion, si instrument për të goditur kundërshtarin, por si mision për të zgjidhur problemet e për të çuar para aspiratat.
Jam surprizuar pozitivisht nga vlerësimi apo reçenca. Nga lexuesit e thjeshtë tek shkrimtarët, publicistë, njerëz aktivë në politikë. Më shumë se kompliment, etje e shoqërisë për normalitet, për t’i ikur zhurmës, teatrit, në veçanti 8 vitet e fundit si një instrument për t’i ikur bilancit. Politika kërkon besimin për të marrë përgjegjësitë e qeverisjes, vendimmarrjes. Ky mekanizëm është shkatërruar. Ajo që dominon pastaj është zhurma, sajesa, mungesa e alternativës.Unike është mungesa e bilancit. Ka qeverisur 8 vite, fushata ka dhe 3 javë, s’dëgjojmë asgjë tjetër veç sharje e fyerje ndaj kandidatit për kryeministër” , tha Basha ndër të tjera./Opinion.al
