Kronikë

Vrasja e “Kumbarit”/U qëllua mbi 120 herë, autorët e pritën poshtë banesës


Bëhu pjesë e Grupit Zyrtar të Opinion.al
>> KËTU <<
               Publikuar në : 09:49 - 05/04/21 |
Opi Nion

Detaje të reja janë zbardhur nga ekzekutimi i 46-vjeçarit Bardhok Pllanaj, mbrëmjen e kaluar në Shkodër.

Mbi makinën e Pllanajt, i njohur me nofkën “Kumbari”, janë derdhur mbi 120 plumba automatiku. Sipas news 24 mbi 20 plumba përfunduan në trupin e Pllanaj, që i shkaktuan vdekjen e menjëhershme.

Mësohet se ka qenë një makinë tip “Pasat”, me targa italiane, që ka pritur poshtë shtëpisë së Pllanaj në hyrje të rrugës Shkodër-Koplik, dhe sapo ai ka hipur në mjet, pas pak metrash, është qëlluar me breshëri automatiku.

Dyshohet se kanë qëlluar me automatik kallashnikov drejt Bardhok Pllanajn, i cili ndodhej në një mjet tip “Range Rover”, ngjyrë e zezë dy persona.

Autorët e kanë qëlluar nga makina në ecje e sipër duke e ndjekur për rreth 150 metra dhe duke mos e lënë që të lëvizë. Pasi ka humbur kontrollin e mjetit nga plumbat që ka marrë në trup, mjeti i viktimës është përplasur në oborrin e një biznesi. Autorët paralel me mjetin e 46-vjeçarit kanë qëlluar përsëri në drejtim të tij, duke u siguruar plotësisht se nuk ka pasur asnjë shans që të shpëtojë.

Menjëherë pas vrasjes, autorët ende të paidentifikuar janë futur në një rrugicë dytësore pak metra nga vendi i ngjarjes në aksin Shkodër-Koplik, duke djegur mjetin e tyre dhe duke u larguar në drejtim të paditur.

Në vendngjarje kanë mbërritur forcat e policisë, duke nisur hetimet paraprake për këtë vrasje, por deri më tani nuk ka asnjë lloj dyshimi lidhur me autorët e mundshëm apo porositësit e kësaj vrasje, pasi ka dyshohet se krimi mund të jetë kryer nga një vrasës me pagesë.

Bardhok Pllanaj nuk është një emër i panjohur për policinë. Ai ka qenë subjekt i OFL-së, për shkak se dyshohej se ka qenë u përfshirë në trafikun e qenieve njerëzore në Belgjikë.

Pllanaj po ashtu ka qenë edhe në gjykim në dhjetor 2018 për “pastrim parash”, ‘falsifikim dokumentesh’ dhe ‘ndërtim pa leje’. Në vitin 2018 ai u arrestuar nga uniformat blu pasi u akuzua për ndërtimin e një pallati 10 katësh në lagjen “Dobraç”, me para të botës së krimit. Në atë kohë pallati u vu nën sekuestro. Ndërkohë më herët në vitin 2014 ai është akuzuar për trafik droge.

Pllanaj njihet edhe si njeriu që trazoi politikën dhe policinë disa vite më parë pasi rezultoi se kishte lidhje me ish-deputetin Mark Frroku. “Kumbari i Shkodrës” u fsheh në makinën e Frrokut, për t’iu shmangur arrestimit nga policia pasi Frroku, deputet në atë kohë kishte imunitet. Policia e kërkonte Pllanajn për trafik droge nga Velipoja me skaf drejt Italisë.

Në operacionin “Laguna e Vilunit” më 30 shtator 2014 ku u sekuestruan rreth 804 kg drogë, ranë në pranga 7 persona. Droga u hodh nga trafikantët në det në vendin e quajtur Rana e Hedhun në Shëngjin pasi ata panë shërbimet e policisë. Koka e trafikut u dyshua pikërishit biznesmeni Bardhok Pllanaj, por ai u lirua nga akuzat për mungesë provash. Po ashtu, Pllanaj u arrestua në tetor të 2019 në Lushnjë, pasi kishte thyer arrestin shtëpiak./Opinion.al

 

Pas