Aktualitet

Babai i ish-gjyqtares Hoxha:Fëmijët në mes të 4 rrugëve, kush do kujdeset për ta?


Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 02/11/21 |
Opi Nion

GJKKO pranoi gjykimin e shkurtuar për ish-gjyqtaren Enkeleida Hoxha dhe nëntë të akuzuarit e tjerë.

Vendimi është marrë në seancën e sotme nga trupa gjykuese e kryesuar nga Flora Hajredinaj, Erjon Hani dhe Erjon Çela. Pretenca pritet të shpallet në datën 17 nëntor ora 10:00.

Ndërkohë babai i saj, bën apel për autoritetet të vlerësojnë gjendjen e fëmijëve bazuar në dokumentet e dorëzuara. Belul Hoxha ka pritur jashtë gjykatës për vendimin, teksa tha se fëmijët kanë mbetur në mes të 4 rrugëve, ndërkohë që çështja po zvarritet.

“Për autoritetet kam kërkesën që të shohin vlerësimin e gjendjes së fëmijëve me dokumente te sakta, të përgjegjshme janë që duan shërbim të përhershëm në çdo minutë, në çdo orë. Deri kur do vazhdojë kjo situatë që po shtyhet, po shtyhet. Kush do i mbajë kur dy të moshuarit 73 dhe 71 vjeç, deri kur? 9 muaj u mbushën, sa do vazhdojë? A do kujdeset dikush për këta fëmijë, çfarë hanë, çfarë pinë, kush i mban? Si shkon jeta e tyre? Në mes të rrugëve janë, gjyshja 71 vjeçe e sëmurë, unë me parkinson i sëmurë. Ne i marrim e vërtitemi në shtëpi”, tha babai i ish-gjyqtares për news 24.
Hoxha u arrestua pas akuzave të ngritura ndaj saj për korrupsion, pasi publikimit të disa audiopërgjimeve ku përfshiheshin edhe punonjës të tjerë të gjykatës së Krujës dhe persona të lidhur me të.Hoxha njihet edhe si gjyqtarja që ka liruar nga burgu persona të dënuar me burgim të përjetshëm dhe të njohur për veprimtarinë kriminale, si Endrit Dokle, Hekuran Billa dhe Ilir Paja./Opinion.al

 

Pas