Aktualitet

Hetimi i “Call Center-ve” në Tiranë, si iu zhvatën 9 700 euro shtetases gjermane


Bëhu pjesë e Grupit Zyrtar të Opinion.al
>> KËTU <<
               Publikuar në : 16:14 - 02/11/21 |
Opi Nion

Prokuroria po vijon hetimet lidhur me disa Call center-a të cilat zhvillojnë aktivitetin e tyre në Shqipëri.  Këto kompani mashtronin qytetarët evropianë duke i marrë vlera monetare me premtimin e konvertimit dhe investimit në kriptomonedhë.

Hetimi nisi si kërkesë e autoriteteve gjermane pas ankesës së një gruaje, të cilës një “Call Center” në Tiranë i kishte marrë 9 700 euro duke i premtuar se do të investonte në Bitcoin.

Sipas Tv Klan, qytetarja gjermane Janet Schafer, humbi mijëra euro pasi mori një telefonatë ku i premtohej investimi në kriptomonedha. Vlerat monetare u tërhoqën nga një llogari në Lituani dhe më pas mashtruesit u zhduken.

Sipas letërporosisë së dërguar nga autoritetet gjermane, shtetasja Janet Schafer, nga Nëntori 2020 deri në Janar 2021 ka investuar shumën totale prej 9,700,00 Euro, por kjo vlerë nuk iu kthye asnjëherë, as në kriptomonedhë.

Por, burime nga Prokuroria, thanë se ky nuk është i vetmi rast kur vlerat monetare dërgohen në Lituani dhe tërhiqen prej andej.

Ka raste kur personat që qëndrojnë pas mashtrimit, i bënin vetë transfertat nëpërmjet programit Anydesk, pasi merrnin leje nga qytetarët që investonin.

Autoritetet shqiptare tashmëduhet të gjejnë vendndodhjen e këtyre call center-ave nëpërmjet adresës së IP së internetit. Për këtë arsye Prokuroria do marrë në pyetje punonjës në tre kompani interneti për të siguruar të dhënat që kërkojnë autoritetet gjermane.

 

 

Pas