Një ngjarje e pazakontë por edhe gazmore ka ndodhur gjatë një seance gjyqësore në Texas.
Seanca po realizohet në platformën online ZOOM, teksa avokati është shfaqur ne video me një filtër maceje në fytyrë dhe e kishte të pamundur ta hiqte.
Fillimisht video është shpërndarë nga gjyqtari Roy Ferguson teksa ka paralajmëruar të gjithë personat që përdorin aplikacionet online, t’i kontrollojnë ato paraprakisht për filtra, duke shmangur kështu edhe incidente të tilla.
“Këto momente argëtuese janë një nënprodukt i përkushtimit të profesionit të avokatit për të siguruar që sistemi i drejtësisë të vazhdojë të funksionojë në këto kohë të vështira. “- ka shkruar në Twitter gjykatës.
“Unë jam këtu drejtpërdrejt. Unë nuk jam një mace,” ka thënë avokati i Qarkut të Presidios Rod Ponton.
Në një intervistë, Ponton është shprehur se kishte marrë ftesa nga televizione kombëtare por ka qenë shumë i rezervuar.
“Unë gjithmonë kam dashur të jem një avkat i njohur. Tani unë jam i famshëm për paraqitjen në gjykatë si një mace,” u shpreh avokati për Associated Press.
Video është shpërndarë me shpejtësi në rrjet, teksa ka marrë qindra klikime dhe pëlqime./Opinion.al
