Aktualitet

Armë MP5 në vrasje, dyshohet se autorët ishin ish-pjesëtarë të forcave speciale



Bëhu pjesë e Grupit Zyrtar të Opinion.al
>> KËTU <<
               Publikuar në : 11:44 - 18/07/22 |
el ida

Detaje të reja janë bërëtë ditura në lidhje me ngjarjen e ndodhur mesditën e djeshme në Fushë-Krujë, ku mbetën të vrarë Brilant Martinaj, Diklen Vataj dhe Besmir Hoxhaj.

Sipas  provave dhe dëshmive të mbledhura deri tani nga ana e ekspertëve, ka dyshime se autorët mund të jenë ish-pjesëtarë të forcave speciale.

Burime për News 24 e mbështesin këtë fakt në saktësinë e përdorur në qitje, ku duket se asnjë prej plumbave të qitur nga armët nuk ka shkuar bosh. Gjithashtu një tjetër fakt që mbështet këtë dyshim është edhe mënyra simetrike e daljes së autorëve nga makina me të cilën kanë qenë duke udhëtuar në momentin që  kanë kryer krimin.

Sipas të njëjtave burime, arma automatike MP 5 e përdorur në këtë ngjarje, është e vështirë të kontrollohet në qitje dhe është armë që përdoret vetëm nga pjesëtarë të forcave speciale të RENEA-s, të reportit special të ushtrisë dhe Gardës.

Policia dyshon se objektivi i atentatit ishte pikërisht Brilant Martinaj. Kjo, pasi pjesa më e madhe e plumbave të autorëve ishin në drejtim të pasagjerit në vendin e parë të makinës, ku edhe gjendej i ulur Martinaj.

Ndërsa prej ditës së djeshme janë ngritur dyshime se në rastin në fjalë kemi të bëjmë me një vrasje me pagesë, gjithashtu djegia e makinës nga ana e autorëve çon në dyshimet e një vrasjeje të mirëmenduar dhe teknikisht të realizuar nga profesionistë./Opinion.al

 

Pas