Sport

Aksident dramatik në pistë, vdes piloti 15 vjeçar


Bëhu pjesë e Grupit Zyrtar të Opinion.al
>> KËTU <<
               Publikuar në : 17:58 - 25/09/21 |
Opi Nion

Një ngjarje e rëndë ka ndodhur në pistën e garave mototçikliste, ku 15- vjeçari Dean Berta Vinales humbi jetën. Kushëriri i kampionit të botës Maverick Vinales, e mbylli aksionin e tij të fundit, në Jerez de la Frontera, një garë në kategorinë Supersport 300, e cila është pjesë e programit World Superbike.

Në një dinamikë që kujton në mënyrë dramatike atë të vdekjes së Marco Simoncelli në MotoGP në 2012, Vinales u rrëzua gjatë xhiros së tretë për shkak të një aksidenti që përfshiu edhe pilotë të tjerë. Ai nuk arriti të ngrihej dhe u godit nga konkurrentët e tjerë, që mbërritën shumë shpejt pas tij pa mundur ta shmangnin, duke i shkaktuar lëndime të rënda në kokë dhe gjoks.

Automjetet mjekësore mbërritën menjëherë dhe i riu u dërgua në qendrën mjekësore të qarkut, por pa mundur të mbijetonte.

Vinales ishte në vitin e tij të parë në Supersport 300 dhe po garonte për Skuadrën Vinales Racing, të themeluar nga ekipi i krijuar nga xhaxhai i tij Angel, babai i Maverick, pikërisht për të ndihmuar pilotët e rinj të hedhin hapat e tyre të parë në botën e garave. Deri më tani ai kishte bërë emër në kategoritë më të ulëta, siç ishte Kupa e Talenteve Evropiane, ku konkurroi në vitin 2019 dhe vitin e kaluar.

Spanjolli është një nga viktimat më të reja të pasionit për garat me motor, i cili pavarësisht se është bërë shumë më i sigurt, vijon të regjistrojë ngjarje dramatrike. Më 25 korrik, një spanjoll tjetër 15-vjeçar Hugo Millà vdiq në pistën e Aragonës në një garë të Kupës së Talenteve Evropiane./Opinion.al

Pas