Këngëtarja e njohur Cheryl Cole është nënë e një djali 2-vjeçar, i ardhur në jetë nga lidhja e saj me ish-anëtarin e grupit “One Direction” , Liam Payne.
Prej disa kohësh ajo është ndarë nga këngëtari dhe aktualisht nuk është në një lidhje të re. Gjatë një interviste për mediat e huaja Cheryl është shprehur se dëshiron të ketë sërish fëmijë dhe për këtë arsye është në kërkim të një dhuruesi materiali gjenetik.
“Nëse koha do ishte në anën time do të prisja dhe do konsideroja më shumë mundësi ose do të prisja të gjeja dikë. Mund të takoni dikë dhe për atë vit ndiheni shumë mirë, por asnjëherë nuk ka garanci sepse mund të ndodhin kaq shumë gjëra”,-është shprehur ajo.
Përveç lidhjes me Liam Payne, Cole ka patur edhe dy martesa të tjera të cilat kanë përfunduar në divorc./Opinion.al/
